Tiri bolsam, qazaqqa qyzmet etpeı qoımaımyn!

Álıhan Bókeıhan

Úıi kúıgendi jylýlaıtyn, maly ólgenge qyzyl kóteretin, tonalǵanǵa kıim berip, at mingizetin aǵaıynshylyq júzinde qaıyrymy kóp bizdiń qazaq

05 maýsym 2024 195

Kars oblysynda shabynshylyqqa ushyrap, isherge tamaǵy, kıerge kıimi, panalarǵa úıi joq, kúısiz halge túsip turǵan musylmandardyń járdemge óte muqtaj bolyp jatqany hám olarǵa kómek etý úshin ár jerde musylman jamıǵattary ashylyp, járdem berilip jatqany «Qazaqtyń» 103-nshi nómirinde jazylyp edi.

Orynbor musylmandary da gýbernatordan ulyqsat alyp, osy peýiraldiń 21-nshi kúni járdem komıtetin ashyp, tártibin túzep, basqarýshylaryn saılap, jurttanjárdemjıýǵa aǵzalar arnady. Qazaqtan aǵzalyqqa men uıǵaryldym.

Basqa musylmandar jany ashyp, járdem etip jatqanda, úıi kúıgendi jylýlaıtyn, maly ólgenge qyzyl kóteretin, tonalǵanǵa kıim berip, at mingizetin aǵaıynshylyq júzinde qaıyrymy kóp bizdiń qazaq, bul týraly da saltyn istemeı qarap turmas dep, aǵzalyqty qabyl ettim. Talanyp, shabylyp, bar múlkinen aırylyp, ash-jalańash otyrǵandar jeri jyraq bolǵanmen, qany jaqyn, dini bir qaryndastaryń. Áldeqaıdaǵyny aıtyp, aıaýshylyq etip otyr demeńder. Az-kóp demeı, járdem etý, áýeli, adamshylyq, ekinshi, aǵaıynshylyq mindetteriń. Bireýińizdiń bergen 5-10 tıynyńyz bir adamdy bir kúngi ashtyqtan qutqarmaqshy.

Qalaı jiberý retin bilmegender «Qazaq» basqarmasyna jiberse, tıisti ornyna tapsyrýǵa kóp-kóp alǵys aıtylyp, qabyl etiledi.

Ahmet BAITURSYNULY,

"Járdem komıteti" maqalasynan,1915 jyl

Derekkóz: A.Baıtursynuly. Alty tomdyq shyǵarmalar jınaǵy. IV tom. - Almaty, 2013

Alash.kz ulttyq portaly

Bul maqala týraly ne oılaısyz?