Tiri bolsam, qazaqqa qyzmet etpeı qoımaımyn!

Álıhan Bókeıhan

As úıdegi aıqas. Batys Qazaqstanda áıel óz kúıeýin pyshaqtap tastady

29 mamyr 2024 414

Batys Qazaqstan oblysynda kúıeýiniń búıine áıeli pyshaq saldy. Ol janjal kezinde jaryna sýyq qarý suǵyp alǵany úshin sottaldy, dep habarlaıdy Alash.KZ ulttyq portaly. 

Sotta anyqtalǵandaı, áıel joldasymen janjaldasyp,onyń oń búırek tusyna as úı pyshaǵymen soqqy jasaǵan. Saldarynan áıel er adamnyń densaýlyǵyna aýyr zıan keltirgen.

"İs derekterinen anyqtalǵandaı, sottalýshy kúıeýimen janjaldasyp, onyń oń jaq búıreginen ashana pyshaǵymen urǵan. Áıel óz kinásin moıyndap, istegen isine ókindi", - dep jazdy "Moı gorod" telegram arnasy.

Erli-zaıyptylar qatty janjalǵa qaramastan ajyraspady. Olar nekelerin saqtap qalýdy sheshti.

Áıel Báıterek aýdandyq sotynyń sheshimimen QR Qylmystyq kodeksiniń 1- bóliginiń 106-babynda kózdelgen qylmystyq quqyqbuzýshylyq jasaǵany úshin kináli dep tanyldy.

Sottalýshy óz kinásin tolyq moıyndady jáne jasaǵan isine qatty ókinetinin aıtty. Jábirlenýshi sottan jubaıyn qatań jazalamaýdy jáne oǵan bas bostandyǵynan shektemeıtin jaza taǵaıyndaýdy surady.

Sot jasalǵan qylmys aýyr sanatqa jatatyn, kináliniń jeke basy týraly derekterdi, qylmystyq jaýaptylyq pen jazany jeńildetetin jáne aýyrlatatyn mán-jaılardyń bolýy jáne bolmaýyn, jábirlenýshiniń pikirin eskere otyryp, sottalýshyny túzeý jáne jańa qylmysqar barmaýy úshin ádil, qajetti jáne jetkilikti jaza taǵaıyndaý qaǵıdattaryn basshylyqqa ala otyryp, áıelge 3 jyl bas bostandyǵynan shekteý túrinde jazany taǵaıyndady, – delingen sot habarlamasynda.

Sot áıeldi úsh jylǵa bas bostandyǵyn shekteý jazasyna kesti. Úkim zańdy kúshine endi.

Bul maqala týraly ne oılaısyz?