Qazaqstannyń antıkorrýpsıa qyzmeti "Samuryq qazyna", "Samuryq-ENERGO" jáne "Qazaqstan temir jolyna" (QTJ) basshylaryna qatysty tekseris bastaǵanyn málimdedi.
Eldegi eń yqpaldy úsh kompanıanyń basshylary "jeke kompanıalarynyń paıdasy úshin qyzmetin asyra paıdalandy" degen kúdikke ilingen.
Antıkorrýpsıa qyzmeti memleketke 3,8 mlrd teńge shyǵyn keldi dep málimdedi. Vedomstvo "tergeý múddesi úshin basqa aqparat berilmeıtinin" jetkizdi.
Eldi dúrliktirip, júzdegen adamnyń qazasyna alyp kelgen qańtar oqıǵalarynan soń Qazaqstan prezıdenti Qasym-Jomart Toqaev aktıvi eldiń ishki jalpy óniminiń 60 paıyzyna para-par "Samuryq-Qazyna" ál-aýqat qory men ózge ulttyq kompanıalardyń jumysy men basshylaryn synaǵan.
Toqaev "Samuryq-Qazyna" qory negizgi mindetin oryndap otyr ma? Iaǵnı "ulttyq baılyqty eseleı aldy ma?" degen oryndy suraq týyndaıdy. Qomaqty jalaqy alatyn qyzmetkerleri, dırektorlar keńesi nemen aınalysady? Qyzmeti óte qymbat konsaltıń kompanıalaryn jáne sheteldik mamandardy jumysqa tartqannan paıda bar ma?" degen edi.
Osydan soń "Samuryq qazyna" shtaty eki ese qysqarǵan.
