Máslıhat sesıasynda ákimdik ókilderi jospardy qurý kezinde Tokıo, London sıaqty álemdegi iri qalalardyń tájirıbesine súıengenderin jetkizdi. Jospar boıynsha 2030 jylǵa deıin Almatyda bes jańa polıortalyq paıda bolady. Buǵan qala búdjetinen 6,1 trıllıon teńge qarastyrylǵan. Ákimniń aıtýynsha, bul qarajattyń 55 paıyzyn jeke ınvestorlar bóledi.
Josparǵa sáıkes, Jetisý jáne Túrksib aýdandarynan bazarlar men ónerkásiptik kásiporyndar qala syrtyna kóshiriledi. Al olardyń ornyna jańa yqshamaýdandar men demalys oryndary salynady. Al Qulja traktiniń boıynda joǵary jyldamdyqta júretin avtobýs jelileri iske qosylady. Sondaı-aq saıabaq salý josparlanýda.
Boraldaıda Almaty 3 temir jol vokzaly salynsa, Almaty 2 beketinen Qonaevqa elektr poıyzy qatynaıdy.
Sondaı-aq sesıa barysynda atyshýly "Altyn Orda" bazary týraly da sóz boldy. Mamandardyń aıtýynsha, qalanyń bas josparyna sáıkes, bazar kóterme saýda ortalyǵyna aınalady. Al "Barlyq" bazarynyń ornyna metro stansıalary, júrdek avtobýs jelileri men temirjol vokzaly bolady.
