Tiri bolsam, qazaqqa qyzmet etpeı qoımaımyn!

Álıhan Bókeıhan

«Altyn Orda» bazarynyń burynǵy basshysy sottaldy

06 aqpan 2024 52
Almaty oblysynda «Altyn Orda» bazarynyń burynǵy atqarýshy dırektory Ermek Marqabaevqa qatysty sot úkimi shyqty. Oǵan asa iri mólsherde esirtki, psıhotroptyq zattardy, sol tektesterdi ótkizý maqsatynsyz zańsyz saqtap, tasymaldady degen aıyp taǵyldy.

Almaty oblysy Qarasaı aýdandyq sotynyń baspasóz qyzmeti ótken jyldyń jazynda «Almaty-Bishkek» avtojoly boıynda polısıa qyzmetkerleri avtokólikti toqtatqan kezde kóliktiń artqy oryndyǵynda sottalýshy M. bolǵanyn habarlady. Jeke tintý kezinde odan ishinde untaqty zat salynǵan túıinshek tabylyp, tárkilengen bolatyn.
«Sot-hımıalyq saraptamanyń qorytyndysyna sáıkes, bul salmaǵy 1,796 gram bolatyn (asa iri kólemde) psıhotroptyq zat - mefedron bolyp shyqty», – delinedi sottyń habarlamasynda.

Prokýror sottalýshyny Qylmystyq kodekstiń 296-baby 4-bóligimen kináli dep tanyp, ony 5 jylǵa bas bostandyǵynan aıyrýdy surady. Sottalýshy M. kinásin moıyndamaı, aıǵaq berýden bas tartty.
«Sottalýshy M.-nyń kinási qylmystyq is materıaldarymen, onyń ishinde qamaýǵa alý jáne sotta qaralǵan jeke tintý beınejazbalary, psıhotroptyq zattyń ózine jasalǵan qol alaqandarynyń jaǵyndylaryn, tyrnaq bólikterin jáne shalbar qaltasynyń bóligin sot-hımıalyq zertteý nátıjesi boıynsha dáleldendi jáne rastaldy. Onda psıhotroptyq zat – mefedron bar qabattar, sondaı-aq is boıynsha jınalǵan basqa da dáleldemeler anyqtaldy», – dep habarlady aýdandyq sottyń baspasóz qyzmeti.

Sot jaza taǵaıyndaý kezinde sottalýshynyń jas balasy bolýyn qylmystyq jaýapkershilik pen jazany jeńildetetin mán-jaı dep tanydy. Qylmystyq jaýapkershilikti nemese jazany aýyrlatatyn mán-jaılar anyqtalǵan joq.
«Sot úkimimen M. QK-niń 296-babynyń 4-bóliginde kózdelgen qylmystyq quqyq buzýshylyqty jasaǵany úshin kináli dep tanylyp, 4 jyl merzimge bas bostandyǵynan aıyrý jazasy taǵaıyndaldy. Úkim zańdy kúshine engen joq», – dep habarlady Qarasaı aýdandyq sotynyń baspasóz qyzmeti.

Foto: informburo.kz
Bul maqala týraly ne oılaısyz?