Qazaqstannyń avtomobıl joldaryndaǵy oıly-shuńqyr men shurq-tesikterden qashqan avtokólik ıelerine qıt etse aıamaı, orasan zor kólemde aıyppul salatyn "Sergek" vıdeojúıesiniń olıgarh-qojaıyndaryna memlekettik baqylaý qajet!
Osylaı degen qoǵam belsendisi Turarbek Qusaıynov Respublica.kz saıtynyń ınsaıderlik aqparatyna súıenip (https://respublika.kz.media/archives/22141) "Sergektiń" shynaıy benefısıary Tımýr Qulybaevtyń uly Altaı Qulybaev ekenin málimdeıdi.
"Atalmysh ınsaıd aqparatty quzyrly organdar egjeı-tegjeıli tekserý kerek" deıdi qoǵam belsendisi. Sondaı-aq Qusaıynov qazaqstandyqtardy petısıa úndeýge qol qoıýǵa shaqyrady.
"Sondyqtan osy túıtkil máselege oraı, "Sergek" júıesiniń asa joǵarǵy aıyppuldaryna baılanysty,ıaǵnı Qazaqstandyqtardy súlikshe sorǵan olıgarhtardyń tábetine tez arada tosqaýyl qoıýǵa shaqyratyn avaaz.org platformasyna petısıa jarıaladym.
Naqtyraq aıtsam, barsha Otandastarymdy osy petısıa-úndeýge biraýyzdan qol qoıýǵa shaqyramyn" depti "Demos" qoǵamdyq birlestiginiń tóraǵasy Turarbek Qusaıynov.
