Tereńkól, Pavlodar aýdandary men Aqsý qalasynyń basshylary qardy der kezinde shyǵarý jáne sý tasqynyna qarsy daıyndyq jumystaryn tıisti deńgeıde júrgizbegen. Qazir aımaqta 21 qaýipti ýchaske baqylaýǵa alyndy.
«Búgingi tańda oblys boıynsha 14 qaýipti ýchaske baqylaýǵa alynyp, onda 133 adam, 51 birlik arnaıy tehnıka, 35 motopompa jumyldyryldy. Pavlodar men Tereńkól aýdandarynyń, sondaı-aq Aqsý qalasy ákimderiniń jumysyn qanaǵattanarlyqsyz dep sanaımyn. Sý tasqynyna qarsy is-sharalardy júrgizýdegi baqylaýdyń álsizdigi úshin olarǵa qatań sógis jarıalandy. Meniń tapsyrmam boıynsha barlyq sý tasqynyna qarsy is-shara qazirgi jaǵdaı týraly saǵat saıyn beriletin esep táýliktik rejımge aýystyryldy jáne meniń jeke baqylaýymda bolady», - dedi Pavlodar oblysynyń ákimi Asaıyn Baıhanov.
Óńirlik tótenshe jaǵdaılar departamenti baspasóz qyzmetiniń habarlaýynsha, qazirgi ýaqytta Pavlodar, Maı, Ýspen, Pavlodar, Sharbaqty, Aqtoǵaı, Ertis aýdandary men Aqsý qalasynyń jekelegen eldi mekenderi boıynsha 21 ýchaske aıryqsha baqylaýǵa alynǵan. Birqatar eldi mekende úı aýlalaryn, sharýashylyq ǵımarattaryn sý basqany týraly aqparat túsken. Jergilikti atqarýshy organdar men tótenshe jaǵdaılar qyzmetkerleri sý jyrý, sýdy sorý jumystaryn jalǵastyryp jatyr.
Buǵan qosa avtomobıl joldarynyń 6 ýchaskesi baqylaýda tur. qyzmetkerleri men jergilikti atqarýshy organdar eldi mekenderge táýlik boıy monıtorıń júrgizip otyr.
