Tiri bolsam, qazaqqa qyzmet etpeı qoımaımyn!

Álıhan Bókeıhan

Almatylyq oqýshylar Úndistanda ótken robototehnıka chempıonatynan júldeli oraldy

01 aqpan 2024 33
2024 jyldyń 25-28 qańtar aralyǵynda Úndistannyń Goa qalasynda robototehnıkadan ótken «The Goa International Robotics Festival» halyqaralyq ashyq chempıonatynda 220 komanda baq synasty. Chempıonatqa Qazaqstannyń namysyn qorǵaýǵa Ekibastuz, Qulsary, Almaty jáne Astana qalalarynyń oqýshylary qatysty.

Úsh kúndik jarystyń qorytyndysy boıynsha Almaty qalasynan barǵan «Sana team» jáne «Qazaq style» qurama komandalary eki joǵary nagradamen marapattaldy.

12 jastan 18 jasqa deıingi FIRST Tech Challenge sanaty boıynsha:
-1 oryn «Motivate award» - Sana Team komandasy, Almaty qalasynyń Bilim Inovasıa Lıseıi (BIL);
-1 oryn «Inspire award» - «Qazaq style» qurama komandasy, Almaty qalasynyń №124 JBBM, №81 mektep-gımnazıa, №178 mamandandyrylǵan lıseı, №206 mektep-gımnazıa, №200 mektep-gımnazıalary.

«Bizdiń komandalarymyz jarysqa qatysý tájirıbesiniń azdyǵyna qaramastan óte joǵary kásibı deńgeıin baıqatty. Chempıonatta tamasha oıyn órnegin kórsetip, tól mádenıetimizdi pash etti. Elimizge sheteldik komandalardy shaqyrý úshin úlken jumys atqaryldy. Osylaısha, aqpan aıynda Astanadaǵy Ortalyq Azıa oıyndaryna Úndistan men Shrı-Lankadan birneshe komanda qatysatynyn rastady», — dedi «Almaty daryny» ortalyǵynyń bólim basshysy Janna Almýsaeva.

Ata ketetin nárse, Goa qalasynda ótken jas ónertapqyshtar báıgesine joldamany Qazaqstannan barǵan oqýshylar Oqý-aǵartý mınıstrliginiń jáne Almaty qalasy ákimdiginiń qoldaýymen ótken «Almaty Tech Cup» respýblıkalyq týrnırinde jeńip alǵan bolatyn.
Bul maqala týraly ne oılaısyz?