Keńistiktiń teń avtory Dáýren Tóleevpen, basqarýshy seriktester Rýstam Qojaǵalıev jáne Nafısat Ermaǵambetovamen jolyqqa qala ákimi Erbolat Dosaev qalanyń kreatıvti ındýstrıalaryn damytý perspektıvalaryn talqylady.
Bul ortalyqta zamanaýı kreatıvti keńistik, óner men mádenıet salasyndaǵy jobalar men baǵdarlamalar júzege asyrylady. Joba 13 turaqty rezıdentti, sáýlet búrosyn, balet mektebin, bilim berý qyzmetin, onyń ishinde NEET jastaryn oqytatyn, mýzykalyq aspaptarda oınaýdy úıretetin úıirmelerdi jáne basqalardy biriktiredi.
«36-shy úı» jobasy 2020 jyldyń sáýir aıynda iske qosyldy jáne búginde kreatıvti ındýstrıa ókilderi úshin ózindik tartylys ornyna aınaldy. Qysqa merzim ishinde jobany uıymdastyrýshylar 100 – ge jýyq túrli is-sharalardy - kórmeler, konsertter, vernısajdar, teatr qoıylymdaryn, festıváldardy, tálimgerlik jáne bıznesti damytý baǵdarlamalaryn jáne taǵy basqalaryn ótkizdi. Atalǵan sharalarmen jalpy 25 myńnan astam adam qamtyldy. Kezdesý barysynda áleýmettik-mádenı keńistiktiń ókilderi qala basshysyna jobanyń aýqymyn ulǵaıtýdy, ıaǵnı Almatynyń basqa da aýdandarynda jańa kreatıvti keńistikter qurýdy usyndy. Erbolat Dosaev bul ıdeıany qoldady, sondaı-aq joba rezıdentterin perspektıvaly qalalyq jobalardy, qoǵamdyq keńistikterdi, onyń ishinde olardy tujyrymdama satysynda ázirleýge qatysýǵa shaqyrdy, sondaı-aq Almaty qalasy ákimdiginiń arnaıy baǵdarlamalary aıasynda jastardy oqytýǵa qatysýdy usyndy.
Qazirgi ýaqytta Almatyda kreatıvti ındýstrıa salasynda 27 200 kásiporyn tirkelgen, onyń ishinde jumys istep turǵandary – 22 020. 2017 jyldan beri aqparattyq júıelerdi jobalaý, baǵdarlamalyq qamtamasyz etý, veb-portaldardy ázirleý, mýzyka, kınoındýstrıa, jarnama, marketıń, bilim berý jáne mádenıet salasyndaǵy kreatıvti qyzmettiń edáýir óskenin kórsetti.
