Air Astana Atyraý oblysyndaǵy sý tasqyny jaǵdaıyna baılanysty artqan suranysty qanaǵattandyrý úshin Almaty men Atyraý arasynda qosymsha reıster ashylatynyn habarlady.
Áýe tasymaldaýshynyń baspasóz qyzmeti málimetinshe, 9 sáýirde Airbus A321 ushaǵymen KC 8770 jáne KC 8780 qosymsha reısteri oryndalady. Almatydan Atyraýǵa ushyp ketý ýaqyty 17.00-de. Keri reıs 21.15-te júzege asyrylady.
"Air Astana tabıǵı apattan zardap shekkenderge shyn júrekten qaıǵyrady jáne eriktiler uıymdarynan izgilik kómekti tegin tasymaldaýǵa arnalǵan ótinishterdi qabyldaıdy", – delingen áýekompanıa habarlamasynda.