7 sáýir kúni "Biz BIRGEMIZ QAZAQSTAN" qory Atyraý qalasyna gýmanıtarlyq kómek júgin jetkizdi. Qalalyqtarǵa arnaıy qoldaý Perızat Qaırat atynan usynylǵan, dep habarlaıdy Alash.KZ ulttyq portaly.
"Generatorlar, sorǵy tehnıkasy, arnaıy kıimder, rezeńke etikter, sómkeler jáne tótenshe jaǵdaıdy joıý úshin qajetti basqa da taýarlardan turatyn qosymsha gýmanıtarlyq kómek júgi jeke bortpen jiberildi", delingen habarlamada.
Sonymen qatar, ushaq bortyna sý tasqynynan zardap shekken halyqqa kómek kórsetý úshin 1000 adamǵa tamaq daıyndaýǵa múmkindigi bar mobıldi as úı, 10 motorly qaıyq, 100 sorǵy tehnıkasy jáne 200 000 dana qap tıelgen.
Gýmanıtarlyq júk jetkizýde QR TJM kómek kórsetkeni habarlandy.
Sondaı-aq, atalǵan qor evakýasıalaý oryndarynda ornalasqan 1200 adamdy qoldaý úshin Beıneý qalasyna fýralar jiberdi. Olar úshin jeke gıgıena taýarlary, azyq-túlik jáne bir rettik ydys-aıaq satyp alyndy.
