Tiri bolsam, qazaqqa qyzmet etpeı qoımaımyn!

Álıhan Bókeıhan

Almatyda er adam turǵyn úı kúzetshisin kólikpen qaǵyp, aıaýsyz óltirgen

29 naýryz 2024 199

Almatyda elıtalyq turǵyn úı kúzetshisin er adam kóligimen qaǵyp, aıaýsyz soqqyǵa jyqqan.Bul týraly Jýrnalıs Mıhaıl Kozachkov óziniń Telegram-arnasynda jarıalady.

«Bul Almaty. Munda ótken túnde elıtalyq turǵyn úı keshenderiniń birinde kúzetshi men turǵyn arasynda qaqtyǵys boldy. Naqty ne bolǵany ázirge belgisiz, alaıda úı turǵyny kúzetshimen sóıleskennen keıin kóligimen qaqpany soǵyp, sodan keıin kólikpen kúzetshini qaǵady, sosyn ony aıaǵymen tepkilep, ólimshe etip sabady», - dep jazady jýrnalıs.

Onyń aıtýynsha, jábirlenýshi aýrýhanada qaıtys bolyp, shabýyldaǵan er adam ustalǵan.

Almaty polısıa departamentiniń baspasóz qyzmeti vıdeoǵa qatysty túsinikteme berip, kisi óltirý faktisi boıynsha qylmystyq is qozǵalǵanyn atap ótti.

«Aldyn ala málimetter boıynsha, kúzetshi men TK turǵyny arasynda janjal týyndap, 45 jastaǵy er adam kúzetshige aýyr dene jaraqatyn salǵan. Kúdikti ustalyp, ýaqytsha ustaý ızolátoryna qamaldy», - dep habarlady polısıa.

Bul maqala týraly ne oılaısyz?