Tiri bolsam, qazaqqa qyzmet etpeı qoımaımyn!

Álıhan Bókeıhan

Alatau City - Azıa óńiri ekonomıkasynyń katalızatory - TOQAEV

24 mamyr 2024 242

Prezıdent Alatau City jobasyn júzege asyrý máseleleri boıynsha kezdesý ótkizdi, dep habarlaıdy Alash.kz Aqordanyń baspasóz qyzmetine silteme jasap.

Qazaqstan-Sıngapýr bıznes forýmy aıasynda Almaty oblysyndaǵy asa iri Alatau City jobasyn iske asyrýdyń mańyzdy aspektileri talqylandy.

Kezdesýge Surbana Jurong kompanıalar tobynyń bas dırektory Shon Chao, Asia Infrastructure Solutions Singapore kompanıasynyń tóraǵasy jáne Temasek Trust kompanıasynyń dırektory Hean Faın Vong, China Development Institute kompanıasynyń vıse-prezıdenti Szán Sú, KPMG ASPAC memlekettik sektorynyń basshysy Maıkl Kamerlengo, Kuok Singapore kompanıasynyń tóraǵasy Hýn In Kýok, Boustead Singapore Ltd kompanıalar tobynyń tóraǵasy jáne bas dırektory Fong Fýeı Vong, KPMG Korea seriktesi Mýngý Park, Samsung C&T Engineering and Construction Group kompanıasynyń vıse-prezıdenti Iýng-Výk Kım, Kuok Group kompanıasynyń qarjy dırektory jáne Allgreen Properties kompanıasynyń bas dırektory Leong Che Tho, Caspian Group kompanıasy Dırektorlar keńesiniń tóraǵasy Iýrıı Shaı, sondaı-aq Qazaqstan delegasıasynyń resmı ókilderi qatysty dep jazdy Skifnews.kz aqparat portaly.

Qasym-Jomart Toqaev áleýetti seriktesterge iltıpat bildire otyryp, Alatau City jobasy Qazaqstannyń ǵana emes, búkil Ortalyq Azıa óńiri ekonomıkasynyń katalızatory retinde mańyzdy sanalatynyn atap ótti.

Memleket basshysy bul jobany iske asyrý máselesi Sıngapýr Prezıdentimen jáne Premer-mınıstrimen júrgizilgen kelissózder barysynda talqylanǵanyn aıtty.

Biz Sıngapýr stılindegi múldem jańa ári ıntegrasıalanǵan megapolıs salýǵa nıettimiz. Ol álemdik standarttarǵa saı keletin jetekshi halyqaralyq iskerlik habqa aınala alady. Jan-jaqty oılastyrylyp jobalanǵan ınfraqurylym, úı salý kezinde ınovasıalyq tehnologıalardy paıdalaný jáne perspektıvti salalarǵa basa mán berý – osynyń bári ornyqty damý jobasy retinde Alatau Sity qurylysynyń sátti iske asýyna úles qosatyn asa mańyzdy elementter. IT, ctartaptar, zertteýler men ázirlemeler, turaqty óndiris, jańartylatyn energıa kózderi, agrobıznes, densaýlyq saqtaý sıaqty ınovasıalyq sektorlardyń damýy resýrs tutynýǵa negizdelgen dástúrli salalardan bas tartýdyń aıqyn kórinisi bolýǵa tıis. Jasyl, ornyqty ári ınklúzıvti qala qurý, álbette, saıası jaǵynan úzdiksiz úılestirýdi jáne ınvestısıaǵa qolaıly jaǵdaı jasaýdy qajet etedi. Sondyqtan Qazaqstan Úkimeti aýdany myń sharshy kılometrge jýyq Alatau arnaıy ekonomıkalyq aımaǵyn qurdy, – dedi Memleket basshysy.
Bul maqala týraly ne oılaısyz?