Tiri bolsam, qazaqqa qyzmet etpeı qoımaımyn!

Álıhan Bókeıhan

Óziniń eki balasyn tunshyqtyryp óltirdi degen muǵalimge qatysty sot otyrysy ótti

22 mamyr 2024 562

Qyzylordalyq áıel Túrkistan qalasynda óziniń 3 jasar qyzy men 4 jasar ulyn óltirdi degen kúdikke ilingen edi. Buǵan qatysty Shymkent qalasynda sot otyrysy ótti, dep habarlaıdy Alash.KZ ulttyq portaly.

Óz balalaryn óltirdi degen kúdikpen ustalǵan 30 jastaǵy Bota Hamıtova aqpan aıynda Shymkent qalasyndaǵy qonaq úıde ustalǵan edi.

“Túngi saǵat on birler shamasynda oıyn saýyq ortalyǵyna balalaryn aparǵan áıel, birer saǵattan soń sol mańdaǵy jaldamaly páterge keledi. Aldymen balalaryn uıyqtatyp, keıin qyzyn jáne ulyn kezekpen dálizge shyǵaryp, tunshyqtyrǵan. Sóıtip, túngi birde balalardy óltirip, ózine de qol salmaq bolady. Alaıda, oıynan aınyp, tańerteń Shymkentke shyǵyp ketedi”, – delingen sot aktisinde.

Aıyptalýshy qylmysty kúıeýi kóńil bólmegen soń mundaı qanypezerlikti josparlap jasaǵanyn aıtqan.

Al, onyń advokaty esi durys adam balalaryn óltirmeıtinin aıtyp, psıhıatrıalyq saraptama taǵaıyndaýdy surady.

Aıyptalýshy buǵan deıin Shıeli aýdanynda bastaýysh synyp muǵalimi bolyp jumys istegeni belgili boldy. 

Bul maqala týraly ne oılaısyz?