Áleýmettik jelilerde ushaq salonynda qamalyp otyrǵan jolaýshylardyń vıdeosy tarady. Álgi vıdeodan adamdardyń ózin jaısyz sezingeni baıqalady, dep habarlaıdy Alash.kz.
Osy oqıǵa qatysty «Air Astana» áýekompanıasy 3 maýsymda Almatyda narazy jolaýshylar túsirgen ushaqtaǵy vıdeoǵa qatysty túsinikteme berdi, dep jazdy Skifnews.kz aqparat portaly.
Kompanıa málimetinshe, áýe tasymaldaýshy ókilderi 2 maýsymda Astana – Almaty baǵyty boıynsha FlyArystan loýkosteriniń KC 7332 reısin Air Astana áýekompanıasy oryndaǵanyn jetkizdi.
Ushaq Almatyǵa saǵat 19:30-da sál keshigip kelgen. Ushaq turaqqa kelgennen soń jolaýshylar túsý úshin arnaıy trapty kútýge májbúr boldy. Olardyń aıtýynsha, trapty keshiktirý jaǵdaıy áýejaıǵa keletin reısterge qyzmet kórsetý kezinde paıda bolǵan kezekke baılanysty týyndaǵan.
«Ushqyshtar men bortserikter jolaýshylarǵa traptyń keshiktiriletinin habarlady, sonymen qatar ushaqtaǵylarǵa sý taratyldy. Ókinishke qaraı, tehnıkalyq sebepterge baılanysty jerde kondısıoner jumys istemedi jáne bir áıel ózin nashar sezindi. Bortserik oǵan sý men ottegi balonyn ákelip berdi», – dedi «Air Astana» kompanıasynan.
Sonymen qatar, birneshe adam ushaqtyń esigin óz betimen ashýǵa tyrysqan, al buǵan qatań tyıym salynady. Alaıda, jolaýshylardyń biri eskertýlerge qaramastan, qorǵanys qaqpaǵyn laqtyryp, esiktiń tutqasyn tartty.
Saǵat 20:15 trapty súıregen kólik, sonymen qatar jelilik polısıa qyzmetkerleri kelgen.
«Air Astana áýe kompanıalar toby KC 7332 reısiniń jolaýshylarynan keltirilgen qolaısyzdyqtar úshin keshirim suraıdy. Áýe kompanıa men áýejaı qyzmetteri ishki tekserý júrgizedi», – delingen habarlamada.
