Tiri bolsam, qazaqqa qyzmet etpeı qoımaımyn!

Álıhan Bókeıhan

Qazaqstan tálibter rejımin terrorlyq uıymdar tiziminen alyp tastady - Toqaev

03 maýsym 2024 327

Prezıdent Qasym-Jomart Toqaev Almatyda Ujymdyq qaýipsizdik týraly shart uıymy Parlamenttik Assambleıa Keńesiniń otyrysyna qatysýshylarmen kezdesý ótkizdi.

Qasym-Jomart Toqaev jıynda Aýǵanstandaǵy jaǵdaıǵa aıryqsha toqtaldy dep, habarlaıdy Alash.kz saıty "Aqordanyń" telegram arnasyna silteme jasap.

Prezıdenttiń pikirinshe, qazirgi kezeńdegi strategıalyq mindetterdiń biri – Aýǵanstandy óńiraralyq baılanystarǵa belsendi tartý.

– Qazaqstan tálibter rejımin terrorlyq uıymdar tiziminen alyp tastady. Óıtkeni qazirgi Aýǵanstanmen saýda-ekonomıkalyq yntymaqtastyqty damytý mańyzdy ári búgingi rejım uzaqmerzimdi faktor bolady dep oılaımyz, – dedi Memleket basshysy.


Prezıdent bul máselede UQSHU-ǵa múshe elderdiń ózara kelisilgen ustanymy bolýy kerek ekenine nazar aýdaryp, Almatyda Ortalyq Azıa men Aýǵanstan úshin Ornyqty damý maqsattary jónindegi aımaqtyq ortalyq qurý týraly Qazaqstannyń bastamasyn qoldaýǵa shaqyrdy.

Qasym-Jomart Toqaev qazirgi zamannyń syn-qaterlerine qarsy áreket etý júıesin jetildirý qajet ekenin eskere otyryp, UQSHU kúsh-jigerin uıym jarǵysyna sáıkes múshe-memleketter úshin barynsha ózekti ári tıisti jumys baǵyttaryna jumyldyrýdy usyndy. Qazaqstan atalǵan mindetterdi Uıymǵa tóraǵalyq etý kezeńinde basym baǵyt retinde belgiledi.

Atap aıtqanda, Prezıdent terrrorlyq qaýip-qatermen kúresý jáne UQSHU-ǵa múshe elder azamattarynyń qaýipsizdigin qamtamasyz etý úshin pármendi sharalar qabyldaý qajet dep sanaıdy.

Bul maqala týraly ne oılaısyz?