Tiri bolsam, qazaqqa qyzmet etpeı qoımaımyn!

Álıhan Bókeıhan

Aǵa meni qutqar, óltiredi: Joǵalyp ketken Jandos áli tabylmady

21 mamyr 2024 299

Óskemende “Ertis ózenine sekirip ketti” dep habarlanǵan 22 jastaǵy Jandos Baıanov birneshe kúnnen beri tabylmaı jatyr. Bul týraly Bizdin Oskemen saıty habarlady.

Aǵasy izdeý jumysyna kóńili tolmaıtynyn aıtty.

– Qutqarýshylar bir ǵana qaıyqpen izdep jatyr. Arasynda ózim de olarmen birge ózen betine shyqtym. Máshınemen de Ertis ózeniniń jaǵalaýyn kúnde qarap júrmin. Biraq taba almadyq. Sýǵa 15 mamyrdan 16 mamyrǵa aýǵan túni saǵat 00.45 shamasynda sekirgen. Qutqarýshylar izdeýge birden kóshken joq, — dedi Aıbol Baıanov.

Oblystyq tótenshe jaǵdaılar departamentiniń baspasóz hatshysy, izdeý polısıadan shaǵym kelgen sátte bastaldy degendi aıtady. 

– İzdeý jumystary júgingen ýaqyttan, atap aıtqanda 2024 jylǵy 16 mamyrdan bastap bastaldy. Kún saıyn qaıyqtaǵy qutqarýshylar jaǵalaý syzyǵyn zertteıdi, izdeý jumystaryna kúshti aǵyn men sý aımaǵynyń uzyndyǵy qıyndyq týǵyzyp otyr.
İzdeýler Predgornoe kentine deıin júrgizildi jáne qazirgi ýaqytta árbir ýchaske egjeı-tegjeıli tekseriledi, – deıdi departament.

 

Bul maqala týraly ne oılaısyz?