Tiri bolsam, qazaqqa qyzmet etpeı qoımaımyn!

Álıhan Bókeıhan

3 919 431 715 teńge. Boranbaevtyń qymbat qonaqúıi qaıta satýǵa shyǵaryldy

15 sáýir 2024 327

Kásipker Qaırat Boranbaevtyń ıeliginen ketken Astanadaǵy qymbat qonaqúı qaıta satýǵa shyǵaryldy, - dep habarlaıdy Dalanews.kz.

Astananyń Investısıalar jáne kásipkerlikti damytý basqarmasy Qaırat Boranbaev tergeýmen yntymaqtastyq aıasynda memleketke tapsyrǵan Comfort Hotel Astana qonaqúı keshenin qaıta satýǵa shyǵardy. 27 naýryzǵa belgilengen alǵashqy saýda-sattyq qatysýshylardan ótinim bolmaýyna baılanysty ótpegen.

"Satyp alý quqyǵymen nysandy senimgerlik basqarýǵa berý boıynsha tender 25 sáýirge belgilendi. Bastapqy quny ózgerissiz qalyp otyr: 3 919 431 715 teńge. Kepildik jarna 587,9 mıllıon teńge bolady.

Tenderdiń sharttary boıynsha jańa ıesi nysandy tek qonaqúı bıznesin júrgizý úshin paıdalana alady. Satyp alýshynyń merzimi ótken kredıtorlyq bereshegi bolmaýy kerek. Sondaı-aq, onyń Qazaqstanda qonaqúılerdi basqarýda keminde jeti jyl tájirıbesi bolýǵa tıis", - dep jazylǵan informburo.kz málimetinde.

Buǵan deıin de Investısıalar jáne kásipkerlikti damytý basqarmasy Comfort Hotel-di 3,9 mıllıard teńgege satyp alý quqyǵymen bes jylǵa senimgerlik basqarýǵa berýdi josparlap otyrǵany týraly aqparat tarady.

Sol kezde satylym 27 naýryzda júzege asyrylady jáne qonaqúı jalǵyz adamǵa berilýi múmkin ekeni aıtyldy. Jańa basshy bıznestiń maqsatyn saqtaýǵa mindetti.

"Qarjylyq esep boıynsha byltyr qonaqúıdiń taza tabysy 65,6 mıllıon teńge bolǵan", - dep jazylǵan edi málimette.

Aıta keteıik, buǵan deıin tergeýmen erikti yntymaqtastyq aıasynda QMA Qaırat Boranbaevtyń múlkin memleketke qaıtarý sharalaryn qabyldady.

Qaırat Boranbaevtyń kompanıalary Memlekettik múlik komıtetine jalpy quny 1,4 mıllıard teńgeden asatyn Comfort Hotel Astana qonaqúı keshenin memleket menshigine óz erkimen berý úshin tıisti ótinimder berdi.

"Aýmaǵy 5 myń sharshy metrden asatyn bul qonaqúı kesheniniń jyldyq aınalymy 900 mıllıon teńgege jýyq", - dep jazylǵan edi QMA málimetinde.

Alǵashynda qoldanystaǵy zańnamaǵa sáıkes bul nysandy demalys, saýyqtyrý jáne bilim berý ortalyqtaryn uıymdastyrý, áleýmettik maqsatta paıdalaný josparlanǵan edi.

Bul maqala týraly ne oılaısyz?