Túrkistan oblysyndaǵy jemqorlyqqa qarsy eriktiler 578,7 mln teńgeden astam búdjet qarajaty negizsiz jumsalýynyń aldyn alypty.
Oblystyq sanıtarlyq-epıdemıologıalyq baqylaý departamenti naryqtyq quny 15 myń teńge bolatyn bir tonna kómirdi 250 myń teńgeden satyp alýdy josparlaǵan.
Eriktilerdiń aralasýynan keıin satyp alý jospary qaıta qaralyp, 30,2 mln teńge únemdeldi.
Al, Otyrar aýdany Qaraqońyr aýyldyq okrýginiń ákimdigi elektr energıasynyń 1 kVt-yn 580 teńgeden satyp almaq bolǵan. Bul iske de eriktiler áreket etip, búdjettiń 26,1 mln teńgesin únemdep qaldy.
Sozaq aýdanynyń bilim bólimi 1 750 keli sábizdiń bir kelisin 16 786 teńgeden satyp alýdy josparlaǵan. Túrkistan oblysy boıynsha Sybaılas jemqorlyqqa qarsy qyzmetpen engizilgen usynymdardyń nátıjesinde 29,0 mln teńgeniń negizsiz jumsalýyna jol berilmedi.
"Túrkistan oblysynyń eriktileri "Sybaılas jemqorlyqqa qarsy volonterlik" jobasy bastalǵaly beri memlekettik satyp alý portalynyń monıtorıńileý barysynda 578,7 mln teńgeniń negizsiz jumsalýynyń aldyn aldy. Osy baǵyttaǵy jumys jalǵasýda, óńir turǵyndaryn sybaılas jemqorlyqqa qarsy eriktiler qataryna qosylýǵa jáne búdjet qarajatyn jumsaýdyń tıimdiligin birge baqylaýǵa shaqyramyz", - delingen Túrkistan oblysy boıynsha Sybaılas jemqorlyqqa qarsy qyzmeti usynǵan aqparatta.
