Tiri bolsam, qazaqqa qyzmet etpeı qoımaımyn!

Álıhan Bókeıhan

100 myń teńgege satyp aldy ma: Birqatar ánshiler “QR qurmetti azamaty” ataǵyna ıe boldy (FOTO)

06 maýsym 2024 785

Kúni keshe otandyq óner juldyzdary erekshe marapatqa ıe boldy.“Qazaqstannyń qurmetti azamaty” ataǵyn birneshe óner ókilderi ıelendi. Bul týraly Alash.kz ulttyq portaly Stan.kz saıtyna silteme jasap habarlaıdy.

Óner juldyzdary sý jańa ataqtaryn jeke paraqshalarynda jarıalap, quttyqtaý qabyldaýdy bastap ketken. 

“Búgin negizi men qandaı marapat alatynymdy bilmeı keldim. Qoǵamdyq medal “Qazaqstan Respýblıkasynyń qurmetti azamaty” tósbelgisi buıyrypty. Raqmet, elim! Ónerimmen halyqqa qyzmet etýden jalyqpaımyn.Áli de úlken jumystar kútip tur. Meniń ómirlik basty ustanymym – taza eńbek,taza jol. Bul memlekettik nagrada emes, qoǵamdyq marapat!”, – dep qýanyshyn bólisti Rýhıa Baıdúkenova. 

Odan keıin ánshi Nurjan Qaljan da keýdesine taqqan ordenin qýana kórsetip, sý jańa ataǵy shabyt syılaıtynyn jasyrmady. 

“Búgin Astanada osyndaı marapatqa ıe boldym aǵaıyn. "Qazaqstan Respýblıkasynyń qurmetti azamaty" tósbelgisine ıe boldym. Quttyqtap shabyt berip qoıyńyzdar. "Bolar eldiń balasy birin biri batyrym der" dep, qoldap qýanyshymdy qýanyshqa jalǵap jatsańyzdar sodan asqan baqyt joq mende. Bul jaı tósbelgi, degenmen de ózim shabyt alyp, áli alda talaı jumys turǵanyn sezinip qaıttym", – dep jazdy Nurjan Haljan. 

 

Sonymen qatar ataq ıelengender arasynda ánshi Farıda Joldasova, akter Erkebulan Toqtar, aktrısa Juldyzaı Dúısenbıeva da bar. 

“QR qurmetti azamaty atty marapat aldym. Jastarǵa úlken shabyt! Senimderińizge rahmet! Qutty bolsyn!”, – dep aǵynan jaryldy Farıda Joldasova. 

“Ata-anamnyń jeńisi. Qoldaǵandaryńyzǵa raqmet! Allaǵa shúkir”, – dep jazdy aktrısa Juldyzaı Dúısenbıeva. 

Jeli qoldanýshylary túrli pikir bildirip, quttyqtap jatyr. 

“Aspannan ataq jaýǵan kún bolypty”, “Qaı eńbegi úshin berilipti”, “Durys eken, bárińizge qutty bolsyn!”, “Fonogrammen án aıtqany úshin berilgen shyǵar”, “Laıyqsyzdar, jasaı berińizder, qazaq óneriniń jaryq juldyzdary”, – dep jazyp jatyr oqyrman qaýym.

Májilis depýtaty Amanjol Áltaı osyndaı medaldardyń 100 myń teńgege satylatyna týraly baıandaǵan edi. 

«Siz 50 myń teńgege pysyqaı uıymnyń atynan «Qazaqstannyń eńbek sińirgen qyzmetkeri» medaline, al 100 myń teńgege «Qazaqstannyń qurmetti azamaty» ataǵyna ıe bolasyz. San ǵasyrlyq eldik tarıhymyzda «Ult ustazy» dep halyq usynǵan sáýleli sózdi qasterlep Ahmet Baıtursynulyna ǵana qoldanatyn edik, qazir «Ult ustazy» degen ataqty bar bolǵany 10 myń teńgege satyp ala salasyz», - deıdi ol Májilistiń jalpy otyrysynda.

 

 

Bul maqala týraly ne oılaısyz?