Астана қаласы Есіл ауданының әкімі Асылбек Есенбаев жеке қабылдауын өткізді. Тұрғындар апта сайын аула аумақтарын абаттандыру, көшелерді, аулаларды қосымша жарықтандыру, сондай-ақ әлеуметтік көмек көрсету мәселелерін әкімдік қабырғасында шешуді талқылайды.
Қазірдің өзінде көктем мезгілі қарсаңында тұрғындардан қосымша абаттандыру жұмыстарына қатысты өтініштер көбейіп келеді. Келіп түскен өтініштер тізімге енгізілген, қаржыландыру бөлінген жағдайда ағымдағы жылдың өзінде жұмыстар жүргізілетін болады.
Бұл ретте жиі кездесетін мәселе – тұрғындардың жосықсыз құрылыс салушылар туралы шағымдары, меншік иелерінің бірлестіктерін құрудағы қиындықтар, үйлерді пайдалануға беру үшін құжаттарды алу. Осының бәрі кезең-кезеңімен бірлесіп шешілуде.
Басқарма қызметкерлері жосықсыз құрылыс салушыларға байланысты туындаған мәселелерді шешуде консультативтік көмек көрсетеді.