ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

«زورلانباعان»: 12 جاستاعى قىزعا تيىسكەن 5 جىگىتتىڭ تۋىسى سوت ۇكىمىنە قارسى شىعىپ، شۋ كوتەردى (ۆيدەو)

06 ماۋسىم 2024 670

12 جاستاعى قىزدى زورلاعان 5 جىگىتكە قاتىستى سوت ۇكىمى شىقتى، دەپ حابارلايدى Alash.kz ۇلتتىق پورتالى.

سوت مالىمەتىنشە، 2023 جىلدىڭ 23 مامىرىندا سوتتالۋشىلاردىڭ ءبىرىنىڭ «لادا» اۆتوكولىگىن زاڭسىز يەمدەنگەنىن انىقتادى.

ءبىر اپتادان كەيىن ول Hyundai اۆتوكولىگىنىڭ ەسىگىن بۇزىپ، كولىكتىڭ ىشىندەگى اقشانى ۇرلاپ، يەسىنە 1 ميلليون تەڭگەدەن استام شىعىن كەلتىرگەن.

10 ماۋسىمدا تاعى 2 ايىپتالۋشى فولكسۆاگەن كولىگىنە كىرىپ، كولىك ىشىنەن ۇيالى تەلەفوندى ۇرلاپ كەتكەن. كەلەسى كۇنى ايىپتالۋشى توپ – 16-17 جاس ارالىعىنداعى 4 ءجاسوسپىرىم مەن 20 جاستاعى جىگىت كامەلەتكە تولماعان قىزدى زورلاعان.

سوتتالۋشىلاردىڭ كىناسى سوتقا دەيىنگى تەرگەپ-تەكسەرۋ بارىسىندا بەرگەن ايعاقتارىمەن، جابىرلەنۋشىلەر مەن كۋاگەرلەردىڭ ايعاقتارىمەن، وقيعا بولعان جەردى قاراۋ، بەتتەستىرۋ حاتتامالارى، تەرگەۋ ارەكەتتەرىن جۇرگىزۋ كەزىندە كامەلەتكە تولماعانداردان جاۋاپ الۋ حاتتامالارىمەن دالەلدەندى، – دەپ حابارلادى سوت.

سوتتالۋشىلار ءوز كىنالارىن مويىندامادى. سوندا دا سوت باستى ايىپتالۋشىنى 20 جىلعا باس بوستاندىعىنان ايىردى. ال ەكەۋى 7، 6 جىل جازا الدى. تاعى ەكەۋى 8 جىلعا باس بوستاندىعىنان ايىرىلدى.

پروكۋرور كۇدىكتىلەردىڭ كىناسىن دالەلدەگەنمەن، جابىرلەنۋشى دەپ تانىلعان 12 جاستاعى قىزدىڭ اناسى ولاردى اقتاۋدى سۇراعان. ول قىزىنىڭ وتىرىك ايتقانىن، زورلانباعانىن العا تارتىپ وتىر.

بۇل ماقالا تۋرالى نە ويلايسىز؟