اڭگىمەدەن تۇسىنگەنىمىز، كاندەلاكي تىلگە قاتىستى داۋ-دامايدا سابىروۆتان كومەك سۇراعان.
ك: سەن بەلگىلى ءبىر تاقىرىپتا ونەر كورسەتۋگە بەكىتىلدىڭ. تاقىرىبىن ساعان ايتادى. قىسقاشا ايتسام، ول قازاقستان ۇكىمەتىمەن اراداعى جاعدايعا بايلانىستى. ەستىپ جاتقان شىعارسىڭ؟
س: ءتىلدى ىعىستىرۋ تۋرالى مالىمدەمە، دۇرىس ءتۇسىنىپ تۇرمىن با؟
ك: قازاقستان ۇكىمەتى ماعان ويلاپ تاپقان سالدارىن ايتىپ وتىرمىن.
س: مەن نە ىستەۋىم كەرەك، ءتۇسىنىپ تۇرعان جوقپىن.
ك: اقىماق بولا قالماشى! ءبارىن جاقسى ءتۇسىنىپ تۇرسىڭ!
س: تينا، تىڭداڭىزشى، مەنىڭ جۇمىس كەستەمدە بوس ۋاقىت جوق.
ك: مەن جوعارى شەندى ادامداردان رۇقسات الدىم. ەندى مەن، ياعني ءبارىمىز قارسى بىردەڭە ويلاپ تابۋىمىز كەرەك، ءتۇسىنىپ تۇرسىڭ با؟
س: جاعدايدى ءتۇسىنىپ تۇرمىن، ءبىراق وعان مەنىڭ قاتىسىم قانشا؟
ك: ءازىل ارقىلى جەتكىزگىڭ كەلە مە الدە باسقا جانردا ما، ءبىراق ينتەرنەتتە سەنىڭ پىكىرىڭ تاراۋ كەرەك. مەن جانە رەسەي ءۇشىن جاقسى ماعىنادا بولۋ كەرەك ەكەنىن ۇمىتپا.
س: تينا، مەن كەلىسپەيمىن.
ك: مەنى تۇسىنبەدىڭ، سەن وسىلاي ىستەيسىڭ!
س: مەن دۇرىس ءتۇسىنىپ تۇرمىن با، سەن ماعان...
ك: مەنى تىڭدا، سەن جانە سەن سياقتىلار نە رەسەيمەن بىرگە بولاسىڭدار، نە بورتتىڭ سىرتىندا قالاسىڭدار، وسىنى تۇسىنۋلەرىڭ كەرەك. ساعان ويلانۋعا ۋاقىت بەرەمىن، نۇرلان، ۋاقىتىڭ بار.
س: قايتالاپ ايتامىن، ماعان ونىڭ قاجەتى جوق.
ك: سەندە امال جوق ەكەنىن ءتۇسىنۋىڭ كەرەك، ءبارىڭ وسىعان كەلىستىڭدەر، سەن عانا كونبەي وتىرسىڭ.
س: ماعان ءبارىبىر، نەگە ەكەنىن بىلەسىز بە؟ سەبەبى مۇنى ىستەۋگە مىندەتتى ەمەسپىن. مەنى ماجبۇرلەي المايسىز.
ك: ءوز پاراقشاڭا «تينا دۇرىس ءتۇسىندىردى»، «تينا ناقتى ايتتى»، «تينا، جارايسىڭ» دەگەن ءبىر قىسقاشا ۆيدەو عانا سالاسىڭ.
س: تينا، مەن كەلىسپەيمىن.
ك: بولدى، مەن ساعان مۇمكىندىك بەرەمىن، ويلان، نۇرلان.
س: ماعان مۇمكىندىك كەرەك ەمەس، مەن ويلاندىم. ۇسىنىسىڭىز ءۇشىن راقمەت، وسىمەن ءبىتتى، جۇمىسىم بار.
ەسكە سالساق، بۇعان دەيىن رەسەيلىك جۋرناليست تينا كاندەلاكي Telegram-ارناسىنا جازبا جاريالاپ، «قازاقستان ورىس ءتىلىن مەملەكەتتىك دەڭگەيدە ىعىستىرىپ جاتىر» دەپ ايىپتاعان ەدى. ارتىنشا ق ر سىرتقى ىستەر مينيسترلىگىنىڭ رەسمي وكىلى كاندەلاكيعا قازاقستانعا كىرۋگە رۇقسات ەتىلمەيتىنىن ايتتى.
«بىرەۋدى ۇناتپاساڭ ۇيىڭە كىرگىزبەيسىڭ. ءبىز دە سولاي ىستەيمىز. قاجەت بولسا، شارا قولدانىلادى. بۇگىن-ەرتەڭ جاسامادى دەپ رەنجىمەڭىزدەر. مەملەكەت مۇنى ەشقاشان كەشىرمەيدى. ول قازاقستانعا كەلمەيدى، كەلسە دە كىرمەيدى»، – دەدى ءسىم وكىلى ايبەك سمادياروۆ.
فوتو: kaztag.kz
