ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

جەتىسۋدا يگى باستاما قولعا الىندى

30 قاڭتار 2024 34
18 جاستان اسقان مۇگەدەكتىگى بار ازاماتتار ءۇشىن ستاسيونار جاعدايىندا قىزمەت كورسەتۋ قولعا الىندى.

تالدىقورعاندا «قامقور» ارناۋلى الەۋمەتتىك قىزمەت كورسەتۋ ورتالىعىنىڭ بازاسىندا 18 جاستان اسقاندار ءۇشىن 50 توسەك-ورىنعا ارنالعان بولىمشە اشىلدى.

بۇل 2023 جىلى وبلىس اكىمى بەيبىت يسابايەۆقا «قامقور» ورتالىعىندا تاربيەلەنىپ وتىرعان بالالاردىڭ اتا-انالارىنىڭ ايتقان ءوتىنىشى بويىنشا جاسالدى.

ورتالىقتىڭ اۋماعىن اباتتاندىرۋ جۇمىستارى جۇرگىزىلدى، وعان 12،8 ملن.تەڭگە ءبولىندى. ەرەسەكتەر بوس ۋاقىتىن ءتيىمدى وتكىزۋى ءۇشىن بەسەدكالار، سەرۋەن الاڭى، ساحنا، ۆوركاۋت الاڭى جاسالدى. كوتەرگىش ليفت ورناتىلدى. بۇدان بولەك، وسى جىلدىڭ ەكىنشى توقسانىندا 16 ملن. تەڭگەگە جۋىق قارجىعا مونشا سالۋ جوسپارلانىپ وتىر. سونداي-اق 29 ملن. تەڭگەگە ورتالىق تاربيەلەنۋشىلەرىن كەدەرگىسىز تاسىمالداۋ ماقساتىندا كولىك ساتىپ الىنباق.

بۇگىن جاڭارتىلعان ورتالىققا بارعان تاربيەلەنۋشىلەردىڭ اتا-انالارى مەن جاقىن تۋىستارى جاسالعان جاعدايلارمەن تانىستى.

اتاپ وتسەك، ستاسيونارى بار «قامقور» ارناۋلى الەۋمەتتىك قىزمەت كورسەتۋ ورتالىعى 3 جاستان 18 جاسقا دەيىنگى پسيحونيەۆرولوگيالىق پاتولوگياسى بار ادامدارعا ارناۋلى الەۋمەتتىك قىزمەت كورسەتۋگە ارنالعان.

وسى جىلدىڭ قاڭتار ايىنان باستاپ ورتالىق بازاسىندا ەرەسەكتەر بولىمشەسى جۇمىس ىستەي باستادى. وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ دەرەكتەرى بويىنشا بۇگىنگى كۇنى ورتالىقتا 104 ادام قىزمەت الادى. ونىڭ ىشىندە 54ء-ى بالا.

ورتالىق اۋماعىندا ويىن، سپورت، ۆولەيبول الاڭدارى مەن جىلىجاي بار. سەنسورلىق، فيزيوتەراپيالىق، دەفەكتولوگيالىق، ستوماتولوگيالىق، ەگۋ، پروسەدۋرالىق، لوگوپەديالىق كابينەتتەر، سونداي-اق پسيحولوگ، ەمدىك دەنە شىنىقتىرۋ، ەڭبەكپەن وقىتۋ كابينەتتەرى، ءماجىلىس زالى بار. تۇز شاحتاسى، رەلاكساسيا بولمەسى جۇمىس ىستەيدى، مۋزىكا جانە كاسىپتىك تەراپيا قولدانىلادى. قىزمەتكەرلەردىڭ شتاتتىق سانى - 167.

جالپى وبلىستا ارناۋلى الەۋمەتتىك قىزمەت كورسەتەتىن 13 مەكەمە جۇمىس ىستەيدى، ونىڭ 6-ۋى – ستاسيونارلىق، 7ء-ۋى – جارتىلاي ستاسيونارلىق مەكەمە.

سونىمەن قاتار، مۇگەدەكتىگى بار 18 جاستان اسقان ازاماتتاردىڭ اتا-انالىرىنىڭ وتىنىشتەرى بويىنشا 2024 جىلدىڭ 1ء-شى اقپانىنان تالدىقورعان قالاسىندا جارتىلاي ستاسيونار جاعدايىندا قىزمەت كورسەتەتىن كۇندىزگى بولۋ ورتالىعى ءوز جۇمىسىن باستايدى.

 

 

 
بۇل ماقالا تۋرالى نە ويلايسىز؟