ولجاس سۇلەيمەنوۆ الماتى قالاسىندا باسپا ءسوز ءماسليحاتىن وتكىزىپ، جاڭا پارتيا قۇراتىنىن مالىمدەدى. پارتيا "قازاقستان حالىق كونگرەسى" دەپ اتالادى.
ولجاس سۇلەيمەنوۆ باسپا ءسوز وكىلدەرىمەن كەزدەسۋ بارىسىندا جەر جانە ونىڭ قويناۋى حالىققا تيەسىلى بولۋى كەرەك ەكەنىن ايتتى. سونىمەن قاتار ءاربىر قازاقستاندىققا ۇلتتىق رەسۋرستاردان كەپىلدەندىرىلگەن تابىس ءتۇسۋى قاجەت.
"30 جىل بۇرىن حالىق كونگرەسى ايتقان ءسوزدى، ياعني جەر جانە ونىڭ قويناۋى حالىققا تيەسىلى بولۋى كەرەك ەكەنىن كەشە قاسىم-جومارت توقايەۆ قايتالادى"، – دەيدى ولجاس سۇلەيمەنوۆ.
سونداي-اق اقىن پارتيا قۇراتىنى تۋرالى حابارلاندىرۋعا قول قويىپ، ءتيىستى ورگانعا جولداعانىن ايتادى.
