قازاقستان رەسپۋبليكاسىنىڭ مەملەكەتتىك حاتشىسى ەرلان قارين Telegram ارناسىندا ەلىمىزدىڭ كونستيتۋسياسىنا ەنگىزىلەتىن وزگەرىستەر تۋرالى مالىمدەمە جاسادى.
«بۇگىن كونستيتۋسيالىق كەڭەس ەلىمىزدىڭ كونستيتۋسياسىنا ەنگىزىلەتىن وزگەرىستەر جوباسىنا وڭ قورىتىندى بەردى. بۇل – ۇلتىمىز بەن مەملەكەتىمىزدىڭ بولاشاعىنا اسەر ەتەتىن اسا ماڭىزدى كونستيتۋسيالىق رەفورمالاردىڭ ورىندالۋىنىڭ ماڭىزدى قادامى»، – دەدى ول.
مەملەكەتتىك حاتشى الداعى كونستيتۋسيالىق رەفورمالاردىڭ بيلىك قۇرىلىمدارى اراسىنداعى بالانستى ساقتاۋعا، ەل باسقارۋعا حالىقتىڭ تىكەلەي قاتىسۋىنا، ازاماتتاردىڭ كونستيتۋسيالىق قۇقىقتارىنىڭ قورعالۋىنا باعىتتالاتىنىن ايتتى.
«سونداي-اق، جۇمىس توبىنىڭ بىرنەشە مۇشەسىنىڭ ۇسىنىسىن ەسكەرە وتىرىپ، كونستيتۋسيالىق كەڭەسكە ءبىرىنشى پرەزيدەنتتىڭ ستاتۋسى تۋرالى نورمانىڭ كۇشىن جويۋ تۋرالى سۇرانىس جىبەرىلدى. جۇمىس توبى مۇشەلەرىنىڭ پىكىرىنشە، ءبىرىنشى پرەزيدەنتتىڭ ەڭبەگى كوپشىلىككە بەلگىلى جانە كونستيتۋسيامەن بەكىتۋدى قاجەت ەتپەيدى»، – دەپ جازدى قارين.
