ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

"زاكە، كەشىر. ءۇيىڭدى توقايەۆقا بەرەمىن!". جەلىدە ماقپال ءجۇنىسوۆاعا قاتىستى توسىن ۆيدەو تارادى

08 مامىر 2024 830

الەۋمەتتىك جەلىدە ءانشى، حالىقتىڭ ەركە قىزى ماقپال ءجۇنىسوۆانىڭ داۋسىنا ۇقساس قولدانۋشىنىڭ زامانبەك ءنۇرقادىلوۆتىڭ ءۇيىن ساتاتىنى جايلى ايتقان ۆيدەوسى تارادى. ۆيدەودا اۆتور زامانبەك ءنۇرقادىلوۆتىڭ رۋحىمەن تىلدەسىپ، بازىناسىن ايتادى، دەپ جازدى Alash.KZ ۇلتتىق پورتالى. 

"ادىرنا" ۇلتتىق پورتالىنىڭ حابارلاۋىنشا، بەينەجازبا اۋەلى ماقپال ءجۇنىسوۆانىڭ رەسمي پاراقشاسىنا شىعىپ، كەيىن ءوشىرىلدى. داۋىس يەسى ۆيدەودان كورىنبەي، كادر سىرتىندا سويلەدى:

"زاكە، سەن مەنى كەشىر. مەن شارشادىم. مەنىڭ سەنىڭ دۇنيەڭدى ساقتاپ وتىرعانىما 20 جىل بولادى ەكەن. كەشىر مەنى. ەگەر دە ۇكىمەت سەنىڭ دۇنيەڭدى الىپ كەتپەيتىن بولسا، تۋعان تۋىسقانداردىڭ بارىنە تاراتىپ، مىنا ءۇيدى ساتامىن. ماعان وڭاي بولماي تۇر. سول ءۇشىن تويعا بارىپ ءجۇرمىن.

سونىمەن قاتار، ماقپال ءجۇنىسوۆانىڭ داۋىسىنا ۇقساس قولدانۋشى ءۇيدى ساقتاۋدىڭ زور شىعىن ەكەنىن ايتادى:

اي سايىن ءسىزدىڭ ءۇيىڭىزدى ساقتاۋ ءۇشىن ءجۇز مىڭ تەڭگە كەرەك. بۇل جەردە ءبىز شومىلمايمىز دا، ساۋناعا دا تۇسپەيمىز. ەشقانداي زاتىڭىزدى پايدالانعان دا جوقپىز. بۇل ۇيگە گاز جۇرگىزىلمەگەن زاكە. 20 جىل بويى ەكى ۇيگە 210 مىڭ تەڭگەدەن تولەپ كەلە جاتىرمىن. ەكى ۇيگە دە گاز جۇرگىزىلمەگەن. مەن جىلاعىم كەلەدى، شارشادىم زاكە. وسى ءۇيدى توقايەۆقا بەرەمىن" دەيدى ۆيدەوداعى ماقپال ءجۇنىسوۆانىڭ داۋسىنا ۇقساس ايەل.

الەۋمەتتىك جەلىدە تاراعان ۆيدەو جەلى قولدانۋشىلارىنىڭ اراسىندا قىزۋ تالقىنعا ءتۇسىپ جاتىر. ءبىرى ءجۇنىسوۆانىڭ "جانىن" تۇسىنۋگە تىرىسسا، ءبىرى داتتاپ باعۋدا.

 

بۇل ماقالا تۋرالى نە ويلايسىز؟