ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

«حاباردىڭ» باسشىسى جاقىندا جابىلعان توك-شوۋعا قاتىستى پىكىر ءبىلدىردى

28 ناۋرىز 2024 262

«حابار» اگەنتتىگى» اق باسقارما ءتوراعاسى كەمەلبەك ويشىبايەۆ قوعامنىڭ قاتال سىنىنا ۇشىراپ، جابىلىپ قالعان «ءبىراق» توك-شوۋىن جۇرگىزگەن جۋرناليستەردى ەندى ەفيرگە شىعارۋ ارنانىڭ جوسپارىندا جوق ەكەنىن ايتتى.

ونىڭ سوزىنشە، باستى كەيىپكەردىڭ بۇرىنعى كۇيەۋىن ەفيرگە شىعارۋ تۋرالى كەلىسىم «حابار» اگەنتتىگىمەن سەرىكتەسىپ جۇمىس ىستەيتىن پروداكشن كومپانيا اراسىندا اۋىزشا جاسالعان.

«بۇل وقيعا - «حابار» اگەنتتىگىنىڭ سەرىكتەسى بولىپ كەلەتىن پروداكشن كومپانيانىڭ تاراپىنان بولعان ولقىلىق. ولار بەرگەن ۇسىنىستا باستى كەيىپكەردىڭ جولداسى ەفيرگە كەلەتىنى تۋرالى جازىلماعان. كەيىن پروديۋسەرلەرىمەن اۋىزشا كەلىسىلدى دەپ ايتىلدى. ءبىز بولعان وقيعاعا بايلانىستى كەيىپكەردەن كەشىرىم سۇرادىق، توك-شوۋعا قاتىستى ءتيىستى شارالاردى قابىلدادىق. سەنارييدى قابىلداعان باس پروديۋسەر قىزمەتىنەن كەتتى. توك-شوۋدى جۇرگىزگەن جۋرناليستەردى قايتا ەفيرگە شىعارۋ جوسپاردا جوق»، - دەدى ويشىبايەۆ كوميتەت وتىرىسىندا.

 

بۇل ماقالا تۋرالى نە ويلايسىز؟