ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

ءۇيى كۇيگەندى جىلۋلايتىن، مالى ولگەنگە قىزىل كوتەرەتىن، تونالعانعا كيىم بەرىپ، ات مىنگىزەتىن اعايىنشىلىق جۇزىندە قايىرىمى كوپ ءبىزدىڭ قازاق

05 ماۋسىم 2024 197

كارس وبلىسىندا شابىنشىلىققا ۇشىراپ، ىشەرگە تاماعى، كيەرگە كيىمى، پانالارعا ءۇيى جوق، كۇيسىز حالگە ءتۇسىپ تۇرعان مۇسىلمانداردىڭ جاردەمگە وتە مۇقتاج بولىپ جاتقانى ءھام ولارعا كومەك ەتۋ ءۇشىن ءار جەردە مۇسىلمان جاميعاتتارى اشىلىپ، جاردەم بەرىلىپ جاتقانى «قازاقتىڭ» 103ء-نشى نومىرىندە جازىلىپ ەدى.

ورىنبور مۇسىلماندارى دا گۋبەرناتوردان ۇلىقسات الىپ، وسى پەۋىرالدىڭ 21ء-نشى كۇنى جاردەم كوميتەتىن اشىپ، ءتارتىبىن تۇزەپ، باسقارۋشىلارىن سايلاپ، جۇرتتانجاردەمجيۋعا اعزالار ارنادى. قازاقتان اعزالىققا مەن ۇيعارىلدىم.

باسقا مۇسىلماندار جانى اشىپ، جاردەم ەتىپ جاتقاندا، ءۇيى كۇيگەندى جىلۋلايتىن، مالى ولگەنگە قىزىل كوتەرەتىن، تونالعانعا كيىم بەرىپ، ات مىنگىزەتىن اعايىنشىلىق جۇزىندە قايىرىمى كوپ ءبىزدىڭ قازاق، بۇل تۋرالى دا سالتىن ىستەمەي قاراپ تۇرماس دەپ، اعزالىقتى قابىل ەتتىم. تالانىپ، شابىلىپ، بار مۇلكىنەن ايرىلىپ، اش-جالاڭاش وتىرعاندار جەرى جىراق بولعانمەن، قانى جاقىن، ءدىنى ءبىر قارىنداستارىڭ. الدەقايداعىنى ايتىپ، اياۋشىلىق ەتىپ وتىر دەمەڭدەر. از-كوپ دەمەي، جاردەم ەتۋ، اۋەلى، ادامشىلىق، ەكىنشى، اعايىنشىلىق مىندەتتەرىڭ. بىرەۋىڭىزدىڭ بەرگەن 5-10 تيىنىڭىز ءبىر ادامدى ءبىر كۇنگى اشتىقتان قۇتقارماقشى.

قالاي جىبەرۋ رەتىن بىلمەگەندەر «قازاق» باسقارماسىنا جىبەرسە، ءتيىستى ورنىنا تاپسىرۋعا كوپ-كوپ العىس ايتىلىپ، قابىل ەتىلەدى.

احمەت بايتۇرسىن ۇلى،

"جاردەم كوميتەتى" ماقالاسىنان،1915 جىل

دەرەككوز: ا.بايتۇرسىن ۇلى. التى تومدىق شىعارمالار جيناعى. IV توم. - الماتى، 2013

Alash.kz ۇلتتىق پورتالى

بۇل ماقالا تۋرالى نە ويلايسىز؟