ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

"ۇستازدى ولگەنشە ۇرعان". شىمكەنتتەگى اكادەميا وقىتۋشىسىنىڭ قازاسىنا قاتىستى تىڭ دەرەك ايتىلدى

22 مامىر 2024 931

شىمكەنتتەگى مەديسينالىق اكادەميانىڭ وقىتۋشىسى اۋىر سوققىدان قازا تاپتى. الدىن الا بولجامدى مالىمەت بويىنشا ونى بىرەۋلەر ۇرىپ ولتىرگەن بولۋى مۇمكىن دەگەن كۇدىك بار. كۇدىككە ىلىنگەن ازامات تەرگەۋگە ءتۇستى، Alash.KZ ۇلتتىق پورتالى otyrar.kz-كە سىلتەپ. 

پورتالدىڭ حابارلاۋىنشا، كوشەدەن ءوتىپ بارا جاتقان ادامدار وقىتۋشىنى ەس-تۇسسىز جاتقان جەرىنەن تاپقان. ول 16 مامىر كۇنى تۇندە 1967 جىلعى ازامات اۋىر حالدە اۋرۋحاناعا جەتكىزىلگەن. ماماندار ميدىڭ اۋىر جاراقاتىمەن ناۋقاستى جانساقتاۋ بولىمىنە جاتقىزعانىن ايتادى. ءبىر وكىنەرلىگى، مارقۇم كومادا جاتقان كۇيىندە ەس جيماستان كوز جۇمدى.

"ناۋقاستى قابىلداۋ بولىمشەسىندەگى نەيروحيرۋرگ، تراۆماتولوگ، حيرۋرگ، رەانيماتولوگ تەكسەرىپ، تەكسەرۋدەن وتكىزىپ، "جابىق باس-مي جاراقاتى" دياگنوزىمەن وتە اۋىر جاعدايدا، اسپەراسيالىق سيندروم، كوما 3-پەن جانساقتاۋ بولىمىنە جاتقىزدى. ناۋقاسقا قويىلعان دياگنوز "ميدىڭ اۋىر جاراقاتى. جانساقتاۋ بولىمىندە ناۋقاسقا قارقىندى ەمدەۋ تەراپياسى جۋرگىزىلىپ، وكپەنىڭ جاساندى جەلدەتۋ اپپاراتىنا قوسىلدى. وكپەنى جاساندى تىنىستاندىرۋ اپپاراتىنا قوسىلعانىنا قاراماستان جاراقاتىنىڭ اۋىرلىعىنا بايلانىستى ناۋقاس ەس جيماستان 20 مامىر كۇنى ساعات 13:00-دە قايتىس بولدى"، - دەيدى حيرۋرگ ماديار دۇيسەنوۆ.

قازىرشە جاعا ۇستاتار جايتقا قاتىستى الەۋمەتتىك جەلىدە ەكى نۇسقاداعى اقپارات تاراپ جاتىر. بىرىندە بىلىكتى ۇستازدى مەكتەپ وقۋشىسى ۇرىپ ولتىرگەن دەسە، ەندى ءبىرى مارقۇمدى كولىك قاعىپ كەتكەن بولۋى مۇمكىن دەيدى. ال پوليسيا اتالعان ىسكە قاتىستى قىلمىستىق ءىس قوزعالىپ، كۇدىكتى انىقتالعانىن مالىمدەدى. ال وزگە اقپارات تەرگەۋ مۇددەسىنە وراي جاريا ەتىلمەيتىنى ايتىلدى.شىمكەنت پوليسيا دەپارتامەنتىنىڭ باسپا ءسوز قىزمەتى بۇعان قاتىستى:

"اتالعان جايت بويىنشا قىلمىستىق ءىس قوزعالدى. كۇدىكتى انىقتالدى. ساراپتاما تاعايىندالدى. بولعان وقيعانىڭ ءمان-جايىن انىقتاۋعا باعىتتالعان تەرگەۋ ارەكەتتەرى جۇرگىزىلىپ جاتىر"، - دەيدى 
بۇل ماقالا تۋرالى نە ويلايسىز؟