ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

ۇستانىمىنا بەرىك ءتوراعا. جاڭا باسشى جينالىستاردى تەك قازاق تىلىندە وتكىزەتىنىن ايتتى

29 مامىر 2024 460

«بايتەرەك» ۇلتتىق باسقارۋشى حولدينگىنىڭ ءتوراعاسى رۋستام قاراعويشين ەرەكشە مالىمدەمە جاسادى. بۇگىن ۇكىمەت وتىرىسىنان كەيىنگى تىلدەسۋدە باسشى جينالىستاردى تەك قازاق تىلىندە وتكىزىپ جۇرگەنىن ايتتى، دەپ حابارلايدى Alash.KZ ۇلتتىق پورتالى Qaz365.kz-كە سىلتەپ. 

ۇكىمەت كۋلۋارىندا تىلشىلەردىڭ ءبىرى «بايتەرەكتە» بۇعان دەيىن مەكەمە ماماندارىنىڭ باسىم كوپشىلىگى ورىس ءتىلدى ماماندار بولاتىن. جيىندار ورىس تىلىندە وتەتىن. ءقازىر جاعداي وزگەردى مە؟» دەپ سۇرادى.

«بۇعان دەيىن اۋىل شارۋاشىلىق سالاسىندا جۇمىس ىستەدىم. اۋىل ادامدارىمەن كەزدەسىپ، وسىعان دەيىن تىلدەسىپ كەلدىك. قازاق بولعاننان كەيىن ءوزىمىزدىڭ ءتىلىمىزدى دامىتۋ كەرەك. سوندىقتان قازىرگى تاڭدا ءبىزدىڭ «بايتەرەك» مەكەمەسىنىڭ باسقارما وتىرىستارى قازاقشا وتەدى. ءبىز ەندى ءارىقاراي دا قازاق ءتىلىن دامىتۋعا تىرىسامىز. بىرەۋلەرگە «تەك قازاقشا سويلە» دەپ قىسىم كورسەتۋ جوق. ءبىرىنشى ءوزىمىز ۇلگى بولىپ، ارتىمىزدان ۇلەس قوسسىن دەگەن ماقساتتا قازاق تىلىندە سويلەيمىز»، – دەدى رۋستام قاراعويشين.

ەستەرىڭىزگە سالا كەتەيىك، رۋستام قاراعويشين «بايتەرەك» ۇلتتىق باسقارۋشى حولدينگىنىڭ ءتوراعاسى بولىپ اقپان ايىندا سايلاندى. 

بۇل ماقالا تۋرالى نە ويلايسىز؟