ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

ۇبت ساۋداگەرلەرى. تەست دەرەكتەرىن كوشىرگەن ورالدىق ەكى تۇرعىن سوتتالدى

26 مامىر 2024 376

ۇلتتىق تەستىلەۋ ورتالىعىنىڭ قىزمەتىنە زاڭسىز ارالاسقان ورال قالاسىنىڭ ەكى تۇرعىنى سوتتالدى. بۇل تۋرالى ق ر ۇقك باسپا ءسوز قىزمەتى حابارلادى، دەپ جازدى Alash.KZ ۇلتتىق پورتالى. 

ۇقك مالىمەتىنشە، ورال قالاسى سوتىنىڭ ۇكىمىمەن ق ر قىلمىستىق كودەكسىنىڭ 206، 250 جانە 198-باپتارىندا كوزدەلگەن قىلمىستاردى جاساعانى ءۇشىن اتالعان ەكى ازاماتتىڭ ءارقايسىسى 2 جىل 6 ايعا باس بوستاندىعىنان ايىرۋ جازاسىنا كەسىلدى.

«سونداي-اق ولار كوممەرسيالىق ۇيىمداردا 5 جىل مەرزىمگە باسشىلىق لاۋازىمداردى اتقارۋ قۇقىعىنان ايىرىلدى. ۇكىم شىعارۋعا ۇقك-نىڭ ءىس جۇرگىزۋ ماتەريالدارى نەگىز بولدى. انىقتالعانداي، سوتتالۋشىلار 2021-2022 جىلدارى قازاقستان عىلىم جانە جوعارى ءبىلىم مينيسترلىگى ۇلتتىق تەستىلەۋ ورتالىعىنىڭ زاڭمەن قورعالاتىن اقپاراتىنا قول جەتكىزىپ، كوشىرگەن. ۇكىم زاڭدى كۇشىنە ەندى»، - دەلىنگەن حابارلامادا.
بۇل ماقالا تۋرالى نە ويلايسىز؟