ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

تۇركياعا ەسىرتى الا كەتپەك بولعان استانالىق ايەل سوتتالدى

29 مامىر 2024 245

استانالىق 47 جاستاعى ايەل ەسىرتكى كونترابانداسى ءۇشىن 7 جىلعا سوتتالدى، دەپ حابارلايدى Alash.KZ ۇلتتىق پورتالى Zakon.kz پورتالىنا سىلتەپ. 

كولىكتەگى پوليسيا دەپارتامەنتىنىڭ حابارلاۋىنشا، 2024 جىلدىڭ اقپان ايىندا استانا قالاسىنىڭ حالىقارالىق اۋەجايىندا قىزمەتتىك-ىزدەستىرۋ يتىمەن "توسقاۋىل" جەدەل-پروفيلاكتيكالىق ءىس-شاراسىن وتكىزۋ بارىسىندا ەسىرتكى زاتىنىڭ كونترابانداسى كۇدىگىمەن استانا-انتاليا باعىتىنداعى اۋە رەيسىمەن ۇشپاق بولعان 47 جاستاعى ەلوردا تۇرعىنىن انىقتالىپ، ۇستالدى.

"جەكە ءتىنتۋ بارىسىندا ۇستالعان ازاماتشادان جالپى سالماعى 9 گرامم بولاتىن گاشيش ەسىرتكى زاتى تابىلىپ، تاركىلەندى. قۇقىق بۇزۋشى ەسىرتكى زاتىن تۇركيا رەسپۋبليكاسىنىڭ انتاليا قالاسىنا بارعاننان كەيىن جەكە ءوزى پايدالانۋ ماقساتىندا العاندىعىن ايتقان"، - دەيدى كولىكتەگى پوليسيا دەپارتامەنتىنىڭ باستىعى باقىتجان مالىبايەۆ

ۇستالعان ايەلگە قاتىستى كولىك پوليسەيلەرى سوتقا دەيىنگى تەرگەۋ جۇرگىزدى.

بۇل ماقالا تۋرالى نە ويلايسىز؟