ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

تۇركيا يراكتا ارنايى اسكەري وپەراسيا باستادى (ۆيدەو)

18 ءساۋىر 2022 75
 



تۇركيانىڭ قورعانىس مينيسترلىگى يراكتىڭ سولتۇستىگىندە كۇردىستان جۇمىس پارتياسىنىڭ (كجپ) سودىرلارىنا قارسى جاڭا اسكەري وپەراسيا باستادى.

بۇل تۋرالى تۇرىك Anadolu اقپارات اگەنتتىگى حابارلايدى.

ونىڭ ايتۋىنشا، وپەراسياعا ارنايى جاساق پەن اۋە كۇشتەرى جۇمىلدىرىلعان.

تۇركيا قورعانىس ءمينيسترى حۋلۋسي اكاردىڭ ايتۋىنشا، ۇشاقتار كجپ-نىڭ باسپانالارىنا، بۋنكەرلەرىنە، تۋننەلدەرىنە، ۇڭگىرلەرىنە جانە قويمالارىنا ءساتتى شابۋىل جاساعان.
– وپەراسيا جوسپارلانعانداي ءساتتى جالعاسۋدا. ءبىرىنشى كەزەڭدە العا قويىلعان ماقساتتار ورىندالدى… ءبىز 40 جىلدان بەرى ەلىمىزدى مازالاپ كەلگەن لاڭكەستىك ىندەتتەن اسىل ۇلتىمىزدى امان الىپ قالۋعا بەل بۋدىق. ءبىزدىڭ كۇرەسىمىز تايعا تاڭبا باسقانداي جالعاسادى. سوڭعى لاڭكەس زالالسىزداندىرىلدى، – دەدى مينيستر.

تۇركيادا تىيىم سالىنعان كۇردىستان جۇمىس پارتياسىمەن قارۋلى قاقتىعىس 1984 جىلى باستالىپ، 2015 جىلى قايتا جالعاستى. يراكتىڭ سولتۇستىگىندە تۇركي قارۋلى كۇشتەرىنىڭ اۋە جانە قۇرلىق وپەراسياسى جۇرگىزەتىن كجپ بازالارى بار. تۇركيا پرەزيدەنتى رەجەپ تايىپ ەردوعان بۇعان دەيىن 2015 جىلدىڭ شىلدەسىنەن بەرى ەل ىشىندە كجپ-نىڭ 6 مىڭ مۇشەسى جانە شەتەلدە 6،9 مىڭ مۇشەسى جويىلعانىن. تۇرىك قاۋىپسىزدىك كۇشتەرى 1،2 مىڭنان استام ادامنان ايىرىلدى.





دەرەككوز
بۇل ماقالا تۋرالى نە ويلايسىز؟