ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

تۇركىستان وبلىسىندا جوعالىپ كەتكەن ءۇش جاسار ءبۇلدىرشىننىڭ قازاسىنا تۇتاس ەل ەڭىرەدى

19 مامىر 2024 774
16 مامىر كۇنى سارىاعاش اۋداندىق پوليسيا بولىمىنە جەرگىلىكتى تۇرعىن ءۇيدىڭ جانىندا ويناپ جۇرگەن ءۇش جاسار قىزىنىڭ جوعالىپ كەتكەنىن مالىمدەگەن. پوليسيا قىزمەتكەرلەرى مەن جەرگىلىكتى تۇرعىندار ءبۇلدىرشىندى ىزدەۋگە جۇمىلدىرىلدى. وكىنىشتىسى، 18 مامىردا تۇندە بالانىڭ دەنەسى كورشىنىڭ اجەتحاناسىنان تابىلدى، دەپ حابارلايدى Alash.KZ ۇلتتىق پورتالى. 

وقيعا جايلى بىرنەشە كۇن بۇرىن ءبۇلدىرشىننىڭ جوعالعانىن ايتىپ، دابىل قاققان جۋرناليست گۇلميرا ءابىقاي Facebook-تەگى ءوز پاراقشاسىندا جازدى.

"ءۇش كۇن ىزدەگەن ءۇش جاسار پەرىشتەنىڭ دەنەسى ءولى تابىلدى. قاراما-قارسى كورشى ءۇيدىڭ اجەتحاناسىنا ءتۇسىپ كەتىپتى. بۇكىل ەل ۋايىمداپ، ءدىن-امان تابىلۋىنا تىلەكشى بولىپ-ەك…اتتەڭ عاجايىپ بولمادى. قايعى جۇتقان اسىلىمنىڭ اتا-اناسىنا، تۋىستارىنا، بارشا قازاق ەلىنە كوڭىل ايتامىن. جاتقان جەرىڭ پەيىش بولسىن، پەرىشتە"، دەلىنگەن جازبادا. 

ايتا كەتسەك، ءبۇلدىرشىندى ىزدەۋگە پوليسيا ءبولىمىنىڭ بارلىق جەكە قۇرامى، توتەنشە جاعدايلار دەپارتامەنتىنىڭ قىزمەتكەرلەرى، قۇتقارۋشىلار، اكىمدىك قىزمەتكەرلەرى، ەرىكتىلەر مەن جەرگىلىكتى تۇرعىندار تارتىلعانى حابارلانعان بولاتىن. سونىمەن قاتار، الۋمەتتىك مەدياتاعى وقىرمانداردىڭ بارلىعى قارشاداي قىزدىڭ تابىلىپ كەتۋىنە تىلەكتەستىك تانىتتى. 

بۇل ماقالا تۋرالى نە ويلايسىز؟