ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

تورعاي وزەنى تاسىدى

15 ءساۋىر 2024 534

اقتوبە وبلىسىندا تورعاي وزەنىندەگى سۋ دەڭگەيىنىڭ كوتەرىلۋىنە بايلانىستى نۇرا اۋىلىنداعى قورعانىش بوگەتىنىڭ توپىراق ءۇيىندىسى شايىلىپ كەتتى. بۇل تۋرالى اقتوبە وبلىسى اكىمدىگىنىڭ باسپا ءسوز قىزمەتى مالىمدەدى.

اۋىلعا سۋ كىرە باستادى. وقيعا ورنىندا 126 ادام بار، ونىڭ 119-ى – اۋىلدى قۇتقارۋ ءۇشىن قالعان نۇرا اۋىلىنىڭ تۇرعىنى. 

جاعدايدى زەرتتەۋ ءۇشىن تجد باستىعى وقيعا ورنىنا مي-8 تىكۇشاعىمەن ۇشىپ كەتتى.

بۇعان دەيىن مۇندا توپىراق سالىنعان 1100 قاپ توسەلىپ، 390 توننا ينەرتتى ماتەريال جەتكىزىلگەن. 12 جانە 13 ساۋىردە نۇرادان 572 ادام، ونىڭ ىشىندە 326 بالا ەۆاكۋاسيالاندى. 242 ادام، ونىڭ ىشىندە 156 بالا ىرعىز اۋىلىنىڭ ەۆاكۋاسيالىق پۋنكتىنە ورنالاستىرىلدى، 310 ادام تۋىستارىنا جەتكىزىلدى، ونىڭ 195ء-ى – بالا. 20 ادام قايتىپ كەلدى، 7ء-ى – بالا.

نۇرا اۋىلىندا 112 تۇرعىن ءۇي بار، 691 ادام تۇرادى.

بۇل ماقالا تۋرالى نە ويلايسىز؟