«بۇگىن ءبىز بىلتىر اتقارىلعان جۇمىستى قورىتىندىلايمىز. سونداي-اق الداعى كەزەڭنىڭ باستى مىندەتتەرىنە توقتالۋىمىز كەرەك. جالپى، وتكەن جىلى ەكونوميكامىز 5،1 پايىزعا ءوستى. ەڭ باستىسى، ەلىمىزدىڭ دامۋ قارقىنى باسەڭدەگەن جوق. الدىڭعى ۇكىمەت وسى باعىتتا ءبىراز جۇمىس ىستەدى. كەشە مەن بۇرىنعى پرەمەر-مينيستر ءاليحان سمايىلوۆقا العىسىمدى ءبىلدىردىم. ءبىراق ءقازىر جايباراقات وتىرۋعا بولمايدى، سەبەبى الدىمىزدا اۋقىمدى جۇمىس تۇر. سوندىقتان ۇكىمەتتىڭ جۇمىسىنا جاڭا سەرپىن بەرۋ قاجەت»، – دەدى مەملەكەت باسشىسى.
سونىمەن قاتار ەل پرەزيدەنتى ەكونوميكالىق ءوسۋ تۋرالى ايتتى. ونىڭ ايتۋىنشا، ءجىو 6 پايىزعا دەيىن ءوسۋى كەرەك.
«نەگىزگى ماقسات – بارشاڭىزعا بەلگىلى. ءبىز 2029 جىلعا قاراي ەكونوميكامىزدىڭ كولەمىن 450 ميلليارد دوللارعا جەتكىزۋىمىز كەرەك. ياعني، ناقتى مەجە بار. ەندى تەك جۇمىس ىستەۋ قاجەت. بۇل – ەلىمىزدىڭ جالپى ىشكى ءونىمى جىل سايىن كەمىندە 6 پايىزعا ءوسۋى كەرەك دەگەن ءسوز. سونداي-اق، ماكروەكونوميكالىق كورسەتكىشتەرمەن قاتار حالىقتىڭ ناقتى تابىسى دا قارقىندى تۇردە ارتۋى كەرەك. بۇل – وتە ماڭىزدى مىندەت. ءبىر سوزبەن ايتقاندا، بىزگە شىن مانىندە ساپالى دامۋ قاجەت. سوندىقتان ءاربىر قادامدى جان-جاقتى، مۇقيات ويلاستىرىپ، باتىل ارەكەت ەتۋ كەرەك، – دەدى توقايەۆ.
فوتو: اقوردا
