TikTok تىكەلەي ەفيردەگى مونەتيزاسيانى رەتتەيتىن جاڭا ەرەجەلەردى، سونداي-اق ترانسلياتورلارعا ءقاۋىپسىز ءارى ءپوزيتيۆتى تىكەلەي ەفيرلەر جۇرگىزۋگە كومەكتەسەتىن ءبىلىم بەرۋ رەسۋرستارىن ەنگىزەدى، دەپ حابارلايدى Alash.kz.
2024 جىلعى 23 مامىردان باستاپ پايدالانۋشىلار كونتەنتىن جاقسارتۋ ماقساتىندا TikTok پلاتفورماسىندا ورىس جانە قازاق تىلدەرىندە قولجەتىمدى تىكەلەي ترانسلياسيالاردى مونەتيزاسيالاۋدىڭ جاڭا ەرەجەلەرى قولدانىلا باستايدى، سونداي-اق قوسىمشا ءبىلىم بەرۋ رەسۋرستارى پايدا بولادى.
وسى ەرەجەلەرگە سايكەس، كەيبىر جاعدايلاردا جۇرگىزۋشىلەر Tik Tok LIVE تىكەلەي ەفيرلەرى كەزىندە سىياقى الا المايدى، مىسالى، ولاردىڭ مازمۇنى ساپاسىز نەمەسە ءتۇپنۇسقا بولماسا. ءبىراز اۆتورلار ءقازىردىڭ وزىندە ەرەجەلەرگە باعىنعانىمەن، TikTok مونەتيزاسيا مۇمكىندىكتەرىنە قول جەتكىزۋدى شەكتەۋ تۋرالى ەسكەرتۋ ارقىلى ەرەجە بۇزعاندارعا حابارلاما جىبەرە باستايدى. بۇل رەتتە TikTok-تاعى رۇقسات ەتىلگەن مازمۇننىڭ نەگىزگى ستاندارتتارى، سونىڭ ىشىندە تىكەلەي ترانسلياسيالار قاۋىمداستىق ەرەجەلەرى مەن TikTok پايدالانۋشى كەلىسىمىمەن انىقتالادى دەپ جازدى inbusiness.kz.
Tik Tok سونىمەن قاتار جاڭا ترانسلياتورلارعا تىكەلەي ەفيرگە قول جەتكىزۋ ءتاسىلىن جەتىلدىرۋدە. پلاتفورما ءقازىردىڭ وزىندە ستريمەرلەرگە سالاداعى ەڭ قاتاڭ تالاپتاردى قويادى: ەفيرلەر جاساي الۋ ءۇشىن اۆتورلار كەمىندە 18 جاستا بولۋى كەرەك جانە ولاردىڭ شوتتارى قوسىمشا كريتەرييلەرگە سايكەس كەلۋى كەرەك. جاقىندا عانا TikTok-تا ەفيرگە شىعا باستاعان ستريمەرلەر مونەتيزاسيا مۇمكىندىكتەرىنە بىرتىندەپ قول جەتكىزەدى، وسىلايشا ولار پلاتفورما ەرەجەلەرىن ۇيرەنۋگە جەتكىلىكتى ۋاقىت الادى. مۇنداي قادام تيكتوكەرلەردىڭ تىكەلەي ەفير ەرەجەلەرىن زەرتتەۋگە قىزىعۋشىلىعىن ارتتىرۋعا ىقپال ەتەدى. ولارعا كومەكتەسۋ ءۇشىن TikTok سونىمەن قاتار جاڭا رەسۋرستى، تىكەلەي ەفير قاۋىپسىزدىگى ورتالىعىن ىسكە قوسادى، سونىمەن قاتار قولدانباعا ەنگىزىلگەن LIVE ءبىلىم بەرۋ ورتالىعىن جاڭارتادى.
