ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

تەگىن بەرىلەتىن 10 سوتىق جەر تۋرالى تىڭ مالىمەت تارادى

04 ماۋسىم 2024 1946

ءقازىر جەكە تۇرعىن ءۇي سالۋ ءۇشىن تەگىن 10 سوتىق جەر الۋعا 3،9 ملن قازاقستاندىق كەزەكتە تۇر. وڭىرلەر اراسىندا العاشقى ۇشتىككە الماتى وبلىسى، تۇركىستان وبلىسى جانە شىمكەنت قالاسى كىرەدى دەپ حابارلايدى Alash.kz.

تەگىن جەر الۋ تۋرالى مالىمەتتى تولىعىراق «ازاماتتارعا ارنالعان ۇكىمەت» مەملەكەتتىك كورپوراسياسى ۇسىنىپ وتىر. 

مەملەكەتتىك كورپوراسيانىڭ مالىمەتىنە سايكەس، وتكەن جىلى تەگىن 10 سوتىق جەردى 8 805 وتانداسىمىز العان، ال بيىل 24 116 جەر ۋچاسكەسى بەرىلەدى. بىلتىر ەلوردا جانە شىمكەنت قالاسىندا جەر ۋچاسكەلەرى بەرىلمەگەن.

كەزەككە egov.kz ارقىلى «جىلجىمايتىن مۇلىك» ودان ءارى «جەر قاتىناستارى» بولىمىنە كىرىپ ونلاين سۇراۋ باتىرماسىن باسىپ ءوتىنىش بەرۋگە بولادى. ءوتىنىش بەرگەن كەزدە «كەزەككە قويۋ» دەگەندى، سودان كەيىن ءوڭىردى تاڭداپ، ەسق كومەگىمەن قول قويۋ قاجەت.

ايتا كەتەيىك، ءاربىر كامەلەتكە تولعان قازاقستاندىق ءوزىنىڭ مەنشىگىندە باسقا جەر ۋچاسكەلەرى، پاتەرلەرى نەمەسە ۇيلەرى بار-جوعىنا قاراماستان 10 سوتىق تەگىن جەرگە ءوتىنىم بەرە الادى.

جەرگە كەزەكتىڭ قالاي جىلجىپ جاتقاندىعىن ەلەكتروندىق ۇكىمەت پورتالىندا «جەكە تۇرعىن ءۇي قۇرىلىسىنا (10 سوتىق) جەر ۋچاسكەسىن الۋ ءۇشىن قاراۋ نەمەسە كەزەككە قويۋ» قىزمەتىن تاڭداۋ ارقىلى بىلە الاسىز، ول ءۇشىن ەسق (ەلەكتروندى سيفرلىق قولتاڭبا) قاجەت.

سونداي-اق كەزەكتى قاراۋ جىلجىمايتىن مۇلىكتىڭ ءبىرىڭعاي مەملەكەتتىك كاداسترىنىڭ كوپشىلىك كاداسترلىق كارتاسىندا قولجەتىمدى. ول ءۇشىن ەسق نەمەسە تولىق ءاتى-جونىن كورسەتۋ قاجەت، ءبىراق جسن ارقىلى كەزەكتى تەكسەرۋ مۇمكىن ەمەس.

بۇل ماقالا تۋرالى نە ويلايسىز؟