ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

تاتارستاندا قازاق ءتىلى ورتالىعى اشىلدى

16 مامىر 2024 246

15 مامىردا قازان قالاسىندا اباي اتىنداعى قازاق ءتىلى مەن مادەنيەتى ءعىلىمي-بىلىم بەرۋ ورتالىعى اشىلدى، دەپ حابارلايدى ق ر سىرتقى ىستەر مينيسترلىگى.

قازاقستان رەسپۋبليكاسىنىڭ قازان قالاسىنداعى باس كونسۋلدىعى قازان فەدەرالدى ۋنيۆەرسيتەتىنىڭ فيلولوگيا جانە مادەنيەتارالىق كوممۋنيكاسيا ينستيتۋتى جانىنداعى اباي ورتالىعىنىڭ سالتاناتتى اشىلۋ راسىمىنە قاتىستى.

«اباي ورتالىعى قازاق ءتىلىن وقىتۋ جانە ناسيحاتتاۋ، مادەني بايلانىستاردى نىعايتۋ، حالىقتىڭ باي جانە ءتول مادەنيەتىمەن، تاريحى مەن سالت-داستۇرىمەن، زاماناۋي جەتىستىكتەرىمەن جانە دامۋ جوسپارلارىمەن تانىسۋ ءۇشىن قۇرىلعان» دەپ حابارلادى سىرتقى ىستەر مينيسترلىگى. 

سونداي-اق ورتالىق قازاقستان مەن تاتارستان ستۋدەنتتەرىنىڭ ءومىرى مەن جەتىستىكتەرىن كورسەتەتىن عىلىمي باسىلىمدار مەن وقۋ ماتەريالدارىمەن الماسادى.

ورتالىقتا مادەنيەت جانە عىلىم سالاسىندا بايقاۋلار، سەمينارلار، دوڭگەلەك ۇستەلدەر ۇيىمداستىرىلادى.

بۇل ماقالا تۋرالى نە ويلايسىز؟