ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

تاراتىڭىز: 44 جاستاعى ايەل 6 كۇننەن بەرى تابىلماي جاتىر

18 ماۋسىم 2024 522

اقمول وبلىسىندا 44 جاستاعى ايەل ادامعا ىزدەۋ جاريالاندى، دەپ حابارلايدى Alash.kz ۇلتتىق پورتالى.

اقمولا وبلىسى پد باسپا ءسوز قىزمەتى حابارلاعانداي، جوعالعان گۇلنۇر ەرنازار قىزى دوسانوۆانىڭ دەنساۋلىعىندا پسيحيكالىق اۋىتقۋى بار. ول 12 ماۋسىم كۇنى ساعات 13:30 شاماسىندا ۇيدەن شىعىپ، سودان قايتىپ ورالماعان. بۇل تۋرالى سەلينوگراد اۋدانىنىڭ تالاپكەر اۋىلىندا تۇراتىن ونىڭ 59 جاستاعى تۋعان اپكەسى پوليسياعا حابارلاپ ايتتى.

جوعالعان ادامنىڭ بويى 160-165 سم، دەنە ءبىتىمى ارىقشا كەلگەن. شاشى قارا ءتۇستى، يىعىنا تۇسكەن. دەنەسىندە ەرەكشە بەلگىلەرى جوق.

ۇستىنە قارا ءتۇستى شالبار، اق جانە كوك جولاقتارى بار كوك ءتۇستى سپورتتىق كوستيۋم، اق ءتۇستى كروسسوۆكا كيگەن.

«قازىرگى ۋاقىتتا جوعالعان ايەلدى ىزدەۋگە سەلينوگراد اۋداندىق پب جەكە قۇرامى، سونداي-اق جاقىن ماڭداعى پوليسيا بولىمدەرى باعىتتالعان. باعدارلار استانا قالاسى مەن كورشىلەس وبلىستاردىڭ پد-نا جىبەرىلدى. پوليسيا قىزمەتكەرلەرىنەن جانە جوعالعان ادامنىڭ تۋىستارىنان ارنايى ىزدەۋ توپتارى قۇرىلدى. ولار تاكسي جانە اۆتوبۋس جۇرگىزۋشىلەرىنەن، سونداي-اق تەمىرجول ۆوكزالى مەن اۆتوستانسيا قىزمەتكەرلەرىنەن سۇراستىرىپ جاتىر»، — دەدى ۆەدومستۆودان.

بۇل ماقالا تۋرالى نە ويلايسىز؟