الەۋمەتتىك جەلىدە كۇيەۋىنىڭ اجىراسپاق بولعان ايەلىن ۇرىپ قۇلاتقانى ايتىلىپ، وعان جاسالعان شابۋىلدىڭ بەينەجازباسىن جاريالاعان ەدى. كۇيەۋىنەن قورلىق كورگەن ايەل الەۋمەتتىك جەلىدە ۆيدەو جاريالاپ، ءوزىنىڭ قورعانسىز ءارى پاناسىز ەكەىنە قىنجىلدى، دەپ حابارلايدى Alash.KZ ۇلتتىق پورتالى.
دوستار، ماعان، شىن مانىندە، وتە قيىن، ءبىراق مەن ەندى ۇندەمەي تۇرا المايمىن! مەن بۇل جاعدايعا جاريا، اشكەرە ەتكىن كەلەدى. مەن ابيۋزەرمەن نەكەدە 11 جىل تۇردىم جانە 4 بالامىز بار. كوپتەگەن جىلدار بويى مورالدىق جانە فيزيكالىق زورلىق-زومبىلىق جاسالدى. سوڭعى جىل ونىمەن ءومىر سۇرۋگە شىداي المادىم. ۇرىپ-سوعۋ مەن قورلاۋ جيىلەپ، بارعان سايىن كوبەيە، كۇشەيە ءتۇستى. مەن بۇل ادامنان قورقامىن! - دەدى اۆتور.
ەستەرىڭىزدە بولسا، بلوگەر جاننا احمەتوۆا بۇعان قاتىستى پىكى ءبىلدىرىپ، تومەندەگىدەي جازعان بولاتىن:
"تاعى ءبىر سالتاناتتى قۇتقارۋ كەرەك. بۇل ايەلدىڭ اتى شىنىمەن سالتانات. مونسترمەن 11 جىل نەكەدە بولعان ول اجىراسپاق بولعان. بالالارىن الىپ تارازدان الماتىعا ارەڭ قاشىپ كەلگەن. الايدا، كۇيەۋى ىزىنە تۇسكەن، ونى كۇشتەپ قايتادان تارازعا الىپ كەتپەكشى. بيىل 1 ءساۋىر كۇنى "Life Town" تۇرعىن ءۇي كەشەنىنىڭ جانىندا كۇيەۋى سالتاناتتىڭ تەلەفونىن سىندىرىپ، ەسىك الدىندا ونى اياۋسىز سوققىعا جىقتى"، - دەيدى جاننا احمەتوۆا.
وقيعا 1 ءساۋىر كۇنى "Life Town" تۇرعىن ءۇي كەشەنىندە بولعان. كەيىننەن ايەلدىڭ ءوزىن ۇرىپ قۇلاتقان كۇيەۋىنىڭ ۇستىنەن ارىز تۇسىرگەنى حابارلاندى.
بۇل وقيعاعا قاتىستى الماتى قالالىق پوليسيا دەپارتامەنتىنىڭ باسپا ءسوز قىزمەتى پىكىر بىلدىرگەن. "پوليسيا بۇل فاكت بويىنشا تەكسەرۋ جۇرگىزدى. جينالعان ماتەريالدار قىلمىستىق جاۋاپكەرشىلىككە تارتۋ ءۇشىن سوتقا جىبەرىلدى"، - دەپ حابارلادى پد وكىلدەرى.
