استانانىڭ 11-سىنىپ وقۋشىسى مارلەن كوشەرباي ەرلىگىمەن كوزگە ءتۇسىپ، وزەنگە باتىپ بارا جاتقان ءبۇلدىرشىندى قۇتقارىپ قالدى، دەپ حابارلايدى Alash.KZ ۇلتتىق پورتالى ەلوردا اكىمدىگىنىڭ رەسمي سايتىنا سىلتەپ.
№52 مەكتەپ-گيمنازياسىنىڭ 11 «ا» سىنىپ وقۋشىسى مارلەن كوشەرباي اقمولا وبلىسى ۇيلەرىنىڭ ءبىرىنىڭ قاسىندا وزەنگە باتىپ بارا جاتقان بالانى قۇتقارىپ قالدى.
12 مامىر كۇنى ساعات 11 شاماسىندا مارلەندى قارىنداسى وياتىپ، وزەنگە ءبىر بالانىڭ باتىپ بارا جاتقانىن ايتادى.
مارلەن بىردەن ءۇيدىڭ جانىنداعى وزەنگە قاراي جۇگىرىپ، سۋعا باتىپ بارا جاتقان بۇلدىرشىنگە كومەككە ۇمتىلىپ، سۋدان امان-ەسەن شىعارىپ الدى.
مارلەن كوشەرباي – وقۋىنىڭ ۇزدىگى، سپورتپەن تۇراقتى اينالىسادى. بەلبەۋ كۇرەسىنەن جاسوسپىرىمدەر اراسىندا استانانىڭ اشىق بىرىنشىلىگىندە 55 كەلى سالماقتا «التىن» جەڭىپ العان، سول سياقتى «ارشالى بارىسى» ءتۋرنيرىنىڭ ءىى ورىن يەگەرى. بالا كەزىنەن كوكپار سپورتىنا قاتىسادى.
بەيبىت زاماننىڭ باتىرى ءوز سوزىندە كىشكەنتاي بالانىڭ ءولىم مەن ءومىردىڭ ورتاسىندا تۇرعانىن كورگەندە، ويلانباستان كومەككە ۇمتىلعانىن ايتتى. بۇگىن مارلەن كورسەتكەن ەرلىگى مەن باتىلدىعى ءۇشىن استانا قالاسى ءبىلىم باسقارماسى مەن اقمولا وبلىسىنىڭ تج دەپارتامەنتىنىڭ اتىنان ماراپاتتالدى.
اتا-انالاردى بالالارىنىڭ قاۋىپسىزدىگىنە جاۋاپكەرشىلىكپەن قاراۋعا شاقىرامىز.
