ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

سۋ تاسقىنى: "18 مىڭعا جۋىق قازاقستاندىق ۇيىنە ورالدى"

17 ءساۋىر 2024 283

توتەنشە جاعدايلار مينيسترلىگى سۋ تاسقىنىنان كەيىن 17 547 ادامنىڭ ۇيىنە، ءوز شاڭىراعىنا ورالعانىن حابارلادى، دەپ جازدى Alash.KZ ۇلتتىق پورتالى. 

مينيسترلىك وكىلدەرى:

- ازاماتتىق قورعاۋ قىزمەتتەرى 117 142 ادامدى، ونىڭ ىشىندە 40 833 بالانى قۇتقاردى. 113 852 اۋىل شارۋاشىلىعى جانۋارلارى قاۋىپسىزدىك جەرگە ايدالدى. 17 547 ادام ۇيلەرىنە ورالدى. ەۆاكۋاسيالاۋ پۋنكتتەرىندە 6 932 ادام، ونىڭ ىشىندە 3 111 بالا بار، - دەپ حابارلادى. 

9،8 ملن. م3 استام ەرىگەن قار سۋى سورىلعان، ال 3 ملن. استام قاپشىق پەن 1،4 ملن. توننا ينەرتتى ماتەريال توسەلگەن. 3 873 تۇرعىن ءۇي مەن 2502 اۋلا اۋماعىنان سۋ بۇرىلدى. ال اقتوبە وبلىسىندا تۇرعىنداردى ەۆاكۋاسيالاۋ جالعاسىپ جاتىر. 📍قازىرگى ۋاقىتتا ىرعىز اۋدانىندا، قۇيىلىس، جايساڭباي جانە بەلشەر اۋىلدارىنداعى بوگەتتەر نىعايتىلۋ ۇستىندە. 

قۇتقارۋشىلار قۇيىلىس اۋىلىنىڭ تۇرعىندارىن ەۆاكۋاسيالاۋ جۇمىستارىن جانە گۋمانيتارلىق كومەكتى جەتكىزۋدى جالعاستىرىپ جاتىر.

 

بۇل ماقالا تۋرالى نە ويلايسىز؟