ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

سوۆەت وداعىنىڭ تۋىن كوتەرگەن ادامعا قارسى شىققان بەلسەندىنى سوتتاۋى مۇمكىن

10 مامىر 2024 801
الماتىدا 9 مامىردا سوۆەت وداعىنىڭ تۋىن كوتەرگەن توپپەن شەكىسىپ قالعان بەلسەندى جانبولات ءشايزادا ۇستالدى. ونىڭ ۇستىنەن “ۇساق بۇزاقىلىق” بابى بويىنشا ءىس قوزعالعان. بۇل تۋرالى ازاتتىق راديوسى مالىمدەدى.

بەلسەندى وزىنە تاعىلعان ايىپپەن كەلىسپەيدى. ول بالاعات ءسوز ايتقانىم راس، ءبىراق ەشقانداي ءتارتىپ بۇزبادىم دەيدى.

“[9 مامىردا] كەشكىسىن ماعان الاتاۋ اۋدانىنىڭ پوليسيا باسقارماسىنان حابارلاسىپ، الماتى ارەنانىڭ جانىنداعى پوليسيا بولىمشەسىنە بارىپ تۇسىنىكتەمە جاز دەدى. ساعات ون كەزىندە تۇسىنىكتەمە جازدىم. مەنى سول جەردە جىبەرمەي، تۇنىمەن ۇستادى. تاڭنان بەرى ونلاين سوت بولادى دەپ كۇتىپ وتىرمىز” دەدى بەلسەندى ازاتتىققا.

9 مامىردا الەۋمەتتىك جەلىدە ەر ادامنىڭ الماتى كوشەسىندە كولىككە ىلىنگەن سوۆەت وداعىنىڭ تۋىن الىپ، كولىكتەگى ادامدارمەن سوزگە كەلىپ قالعانى بەينەلەنگەن ۆيدەو تاراعان.
 
بۇل ماقالا تۋرالى نە ويلايسىز؟