ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

سوعىستى توقتاتۋ كونفەرەنسياسى: جۇڭگو قاتىسپايدى، رەسەي شاقىرىلعان جوق

31 مامىر 2024 411

جۇڭگو بيىل ماۋسىمدا شۆەيساريادا وتەتىن ۋكرايناداعى سوعىستى توقتاتۋ ماسەلەسىنە ارنالعان كونفەرەنسياعا ءوز وكىلدەرىن جىبەرمەيدى. بۇل تۋرالى Reuters اگەنتتىگى ءتورت دەرەككوزىنە سۇيەنىپ حابارلادى.

ونىڭ الدىندا ۋكراينا پرەزيدەنتى ۆلاديمير زەلەنسكيي جەلىدە جۇڭگو باسشىسى سي ءسزينپيندى سامميتكە قاتىسۋعا شاقىرعان ەدى. كييەۆ ونى كونفەرەنسيا دەپ اتايدى.

ادامداردىڭ ايتۋىنشا، پەكيننىڭ شەشىمىنە ونىڭ قويعان تالاپتارى ورىندالماعانى اسەر ەتكەن. ولاردىڭ اراسىندا سامميتتە "بارلىق تاراپ تەڭ قاتىسىپ، بارلىق ۇسىنىس ادال تالقىلانۋ" ءۇشىن رەسەي دە، ۋكراينا دا شاقىرىلسىن دەگەن تالاپ تا بار. بۇعان دەيىن مۇنداي تالاپتى جۇڭگو سىرتقى ىستەر مينيسترلىگى دە ايتقان ەدى دەيدى "ازاتتىق".

كونفەرەنسياعا ماسكەۋدى شاقىرمادى، ءبىراق شۆەيساريا قاقتىعىستى رەتتەۋگە "رەسەيدىڭ پروسەسكە قاتىسۋى ءجون بولاتىنىنا سەنىمدى". ۋكراينا بۇل پروسەستى ماسكەۋدىڭ بۇزعانىن قالامايدى دەدى ۆلاديمير زەلەنسكيي. ارااعايىن ەلدەر ارقىلى رەسەي وكىلدەرىن كەلەسى كەزەڭگە تارتۋدى جوسپارلاپ جاتىر دەگەن حابار بار. رەسەي شاقىرۋ العان جاعدايدا دا كەزدەسۋگە قاتىسپايتىنىن مالىمدەدى، ماسكەۋ ۋكراينادان اسكەرىن شىعارۋدى تالقىلاۋعا نيەتى جوعىن ايتتى.

شۆەيساريا سىرتقى ىستەر مينيسترلىگى وكىلىنىڭ ايتۋىنشا، سامميتكە 160-تان استام دەلەگاسيا شاقىرىلعان. "70-تەن استام مەملەكەت بەيبىت كونفەرەنسياعا قاتىساتىنىن راستادى، ولاردىڭ باسىم بولىگى – مەملەكەت جانە ۇكىمەت باسشىلارى دەڭگەيىندە"، – دەپ حابارلادى مينيسترلىك.

بۇعان دەيىن Bloomberg اگەنتتىگى اقش پرەزيدەنتى دجو بايدەن سايلاۋ ناۋقانىنا قاراجات جيناۋ شاراسىنا بايلانىستى ۋكراينا بويىنشا كەزدەسۋگە بارا الماۋى مۇمكىن دەپ جازعان.

بۇل ماقالا تۋرالى نە ويلايسىز؟