ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

سوعىستان قاشقان رەسەي قارۋلى كۇشتەرىنىڭ قىزمەتكەرى قازاقستاندا ۇستالدى

18 مامىر 2024 732

استانا قالاسىندا رەسەيلىك اسكەري تەرگەۋشىلەر اسكەردەن قاشقان رف ازاماتىن، رف قارۋلى كۇشتەرىنىڭ بۇرىنعى قىزمەتكەرى كاميل قاسيموۆتى ۇستاعانى حابارلاندى. ونىڭ اعاسى جانە قازاقستاندىق قۇقىق قورعاۋشى ارتۋر الحاستوۆتىڭ مالىمدەۋىنشە،  راستاعان ول 23 ءساۋىر كۇنى جۇمىس ورنىندا ۇستالعان، دەپ حابارلايدى اlash.KZ ۇلتتىق پورتالى Ulysmedia.kz پورتالىنا سىلتەپ. 

Istories.media جاريالاعان اقپاراتقا سايكەس كاميل كاسيموۆ قاراعاندى وبلىسىندا ورنالاسقان رەسەي اسكەري بولىمشەسىنىڭ اۋماعىندا جونەلتىلگەن. ۇستالعاننان كەيىن پريوزەرسك قالاسىنداعى وسى بولىمشەگە الىپ كەلگەن. وعان رەسەي فەدەراسياسى قىلمىستىق كودەكسىنىڭ 338-بابى بويىنشا ايىپ تاعىلدى. ول 15 جىلعا دەيىن باس بوستاندىعىنان ايىرىلۋى مۇمكىن. 

ەسكە سالا كەتەيىك، كاسيموۆ ۋكراينامەن سوعىسقا قاتىسپاۋ ءۇشىن 2023 جىلدىڭ ماۋسىم ايىندا قازاقستانعا قاشىپ كەتكەن. قۇقىق قورعاۋشىلار مەن كاسيموۆتىڭ وتباسى ونى رەسەيگە زاڭسىز اكەتىپ، سوتتاۋى مۇمكىن دەپ قورقادى. قازاقستان زاڭناماسى بويىنشا اسكەري قىلمىستار ەكستراديسيالاناتىن باپتارعا جاتپايدى.  

ورايى كەلگەندە ايتا كەتەيىك، بۇعان دەيىن، 2023 جىلدىڭ جەلتوقسانىندا رەسەي اسكەري كۇشتەرى ارمەنيادا دەزەرتير دميتريي سەتراكوۆتى ۇستاپ الىپ، ونى رەسەيگە الىپ كەتتى. ساۋىردە رەسەيلىك قاۋىپسىزدىك كۇشتەرى ارمەنيادا دەزەرتير اناتوليي ششەتينيندى ۇرلاپ اكەتۋگە تىرىستى، ءبىراق ەل بيلىگى بۇعان جول بەرمەدى.

بۇل ماقالا تۋرالى نە ويلايسىز؟