ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

شىڭجاڭ ماسەلەسى: اقش قازاقستانعا پانا ىزدەي كەلگەن قازاقتاردىڭ ىسىنە ارالاسۋى مۇمكىن

11 اقپان 2022 155
اقش شىڭجاعداعى جاعدايعا بايلانىستى قازاقستانعا پانا ىزدەي كەلگەن قانداستاردىڭ ماسەلەسىنە ارالاسۋى مۇمكىن. اقش كورنگرەسىنىڭ قوس پارتيالى ورگانى مەملەكەتتىك دەپارتامەنتكە وسىعان ساياتىن ءوتىنىش جولدادى. بۇل تۋرالى The Qazaq Times باسىلىمى جازدى.

جۇڭگو ءىسى بويىنشا كونگرەسس-اتقارۋ كوميسسياسىنىڭ (CECC) ەكى بىردەي ءتوراعىسى اقش مەملەكەتتىك دەپارتامەنتىنە حات جولداپ، قازاقستان، ساۋد ارابياسى جانە ماروككو ەلدەرىنەن پانا ىزدەگەن ۇيعىرلار مەن قازاقتاردىڭ ىسىنە ديپلوماتيالىق جولمەن ىقپال ەتۋدى سۇرادى. بۇل تۋرالى كوميسسيانىڭ رەسمي سايتى مالىمدەدى.

مەملەكەت حاتشى انتوني بلينكەننىڭ (Anthony Blinken) اتىنا حات جازىپ جۇرگەن اتالمىش كوميسسيانىڭ جەفف مەركلي جانە جەيمس پ. ماكگوۆەرن اتتى دەموكرات ءتورعالارى. ولار حاتىندا بۇل پانا ىزدەۋشىلەردى قىتايعا قايتارۋ حالىقارالىق قۇقىقتى بۇزاتىنىن، وعان قوسا قايتارىلعان جاعدايدا ولاردىڭ نەگىزسىز قامالۋ، ازاپتالۋ ءقاۋپىنىڭ بار ەكەنىن ايتقان. سونداي-اق، پانا ىزدەۋشىلەردى قىتايعا قايتارۋ مۇمكىندىگى بار ەلدەر قاتارىندا ساۋد ارابياسى، ماروككو ەلدەرىمەن قاتار قازاقستاندى دا اتاعان.

كوميسسيا ءتوراعالارى حاتىندا مەملەكەتتىك دەپارتامەنت باسشىسىنان قازاقستاندىق شەنەۋنىكتەردەن "وسى الاڭداتارلىق ماسەلەنى راستايتىن قوسىمشا مالىمەتتەر سۇراۋدى، ءارى "شىڭجاڭداعى گەنوسيد پەن ادامزاتقا قارسى قىلمىستاردى ەسكەرە وتىرىپ" اتالعان ەلدەردەگى پانا ىزدەۋشىلەردىڭ قىتايعا قايتارىلماۋىنا ديپلوماتيالىق جولمەن اسەر ەتۋگە شاقىرادى.

بۇل ماقالا تۋرالى نە ويلايسىز؟