ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

شىمكەنتتە "7-20-25" باعدارلاماسىنان داۋ شىعىپ، ونداعان ادام نازارىلىق ءبىلدىردى

26 ءساۋىر 2022 91
[ad_1]



26 ءساۋىر كۇنى شىمكەنت قالاسى اكىمدىگى الدىنداعى الاڭعا جينالعان وتىزدان اسا ادام «7-20-25» باعدارلاماسى بويىنشا كونكۋرسى ءوتىپ، العاشقى جارناسى تولەنىپ قويعان پاتەرلەردى بەرۋدى توقتاتپاۋدى تالاپ ەتتى.

بۇدان بۇرىن الەۋمەتتىك جەلىدە باعدارلاما نەگىزىندە پاتەر الماق بولىپ ءوتىنىش تاستاعانداردىڭ ءتىزىمى جاريالانىپ، وندا قالانىڭ شەنەۋنىكتەرى بار ەكەنى داۋ تۋعىزعان ەدى. وسى داۋدان سوڭ، كەشە، 25 ساۋىردە يندۋستريا جانە ينفراقۇرىلىمدىق دامۋ ءمينيسترى قايىربەك وسكەنبايەۆ بۇل باعدارلاما بويىنشا شىمكەنتتە قۇرىلىس جانە تۇرعىن ۇي-كوممۋنالدىق شارۋاشىلىق ىستەرى كوميتەتىنىڭ زاڭسىز كونكۋرس وتكىزگەنىن حابارلاپ، «7-20-25» باعدارلاماسى بويىنشا پاتەر نەسيەسىن راسىمدەۋدى توقتاتقان.

ال يندۋستريا جانە ينفراقۇرىلىمدىق دامۋ مينيسترلىگىمەن كەلىسپەي نە قالا اكىمدىگىنە حابارلاماي ءوز بەتىنشە «7-20-25» باعدارلاماسىنا كونكۋرس وتكىزگەن قالالىق تۇرعىن ءۇي باسقارماسىنىڭ باسشىسى عالىمجان ۋتەنبايەۆ قىزمەتىنەن ۋاقىتشا شەتتەتىلىپ، ونىڭ ۇستىنەن قىلمىستىق ءىس قوزعالعانى حابارلاندى.

باعدارلاما نەگىزىندە پاتەر الۋ ءۇشىن ۇمىتكەر اتانعان ارسلان التاي وتباسىمەن بىرگە پاتەر جالداپ تۇرادى. ول از پايىزبەن پاتەر الۋ ءۇشىن العاشقى جارنانى تولەگەن. كەرەكتى قۇجاتتاردى تاپسىرعان.

- پاتەر بەرىلمەيتىنىنە، وتكەن كونكۋرستىڭ كۇشىن جويۋعا قارسىمىن. كونكۋرستى رەسمي وتكىزدى. وعان دەيىن اكىمدىك قايدا قارادى؟ ءبىزدىڭ كىنامىز نەدە؟ كىم جاۋاپ بەرەدى؟ - دەيدى ول اشۋلانىپ.

26 جاستاعى زەرە بايارىستانوۆا دا 2 بولمەلى پاتەر الۋ ءۇشىن قۇجات وتكىزگەن. جەكەمەنشىك كومپانيادا ەسەپشى بولىپ جۇمىس ىستەيتىن ول الەۋمەتتىك ستاتۋسى ساي كەلمەگەن سوڭ باسپانا كەزەگىنە تۇرا الماعان.

- تەگىن سۇراپ جاتقان جوقپىز. كونكۋرس رەسمي ءوتتى، قۋاندىق. ەندى كونكۋرس اياقتالدى دەگەندە كەرى قايتارامىز دەيدى. بۇعان قارسىمىز، - دەيدى ول.

جينالعانداردىڭ الدىنا قالا اكىمىنىڭ ورىنباسارى ەرعالي بىلىسبەكوۆ شىعىپ جاعدايدى تۇسىندىرمەك بولدى. ونىڭ ايتۋىنشا، «7-20-25» باعدارلاماسىن يندۋستريا جانە ينفراقۇرىلىمدىق دامۋ مينيسترلىگى جاۋاپتى. قالالىق تۇرعىن ءۇي باسقارماسى وتكىزگەن كونكۋرستان اكىمدىك بەيحابار قالعان.

بىلىسبەكوۆ جينالعاندارعا ورتاق كەلىسىمگە كەلىپ، باعدارلاما نەگىزىندە پاتەر بەرۋدى توقتاتۋدىڭ زاڭدىلىعىن بىرلەسىپ قاراۋعا شاقىردى. نارازىلار بۇل ۇسىنىسپەن كەلىستى.

شىمكەنتتە «7-20-25» باعدارلاماسىمەن 900 پاتەرلى 15 ءۇي سالىنعان.نارىقتاعى باعادان الدەقايدا ارزان، شارشى مەترى 180 مىڭ تەڭگە تۇراتىن، از پايىزبەن بەرىلەتىن پاتەردى الۋ ءۇشىن ءۇيسىز جۇرگەن 12 مىڭ ادام ءوتىنىش بەرگەن. ولاردىڭ ىشىندە 900 ادام ۇمىتكەر رەتىندە كونكۋرستان وتكەن. كەيىن كونكۋرستان وتكەندەردىڭ تىزىمىندە اۋدان اكىمدەرى، باسقارما باسشىلارى سياقتى شەنەۋنىكتەردىڭ ءاتى-جونى بار ەكەنى انىقتالعان.

بىلىسبەكوۆ «باعدارلامامەن پاتەر الۋدىڭ نەگىزگى تالاپتارىنىڭ ءبىرى – باسپاناسىز بولۋ. قالا اكىمىنىڭ ورىنباسارى ۇمىتكەر رەتىندە وتكەن شەنەۋنىكتەردىڭ باسپاناسى جوق، ولاردىڭ دا باعدارلامامەن ءۇي الۋعا قۇقىعى بار ەكەنىن» العا تارتادى. قالا اكىمىنىڭ ورىنباسارى «تىزىمگە ىلىنگەن ءتۇرلى دەڭگەيدەگى 35 شەنەۋنىكتىڭ 15ء-سى ەكى كۇندە ءوز ەركىمەن ءوتىنىشىن قايتىپ العانىن» ايتادى.



[ad_2]

دەرەككوز
بۇل ماقالا تۋرالى نە ويلايسىز؟