ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

"شىبىن ۇشپايتىنداي جاۋىپ تاستاڭدار". پۋتين "ازوۆستالعا" شتۋرمدى توقتاتۋدى بۇيىردى

21 ءساۋىر 2022 76
[ad_1]



رەسەي قورعانىس ءمينيسترى سەرگەي شويگۋ 21 ساۋىردە رەسەي پرەزيدەنتى ۆلاديمير پۋتينمەن كەزدەسۋدە "ماريۋپول قالاسىن باقىلاۋعا العانى" جايلى ەسەپ بەرىپ، "تەك "ازوۆستال" كومبيناتىنىڭ اۋماعىنا ءالى باقىلاۋ ورناتىلماعانىن" ايتتى.

"ۋكراينالىق كۇشتەر مەن شەتەلدىك جالدامالىلار "ازوۆستال" ىشىندە قامالىپ وتىر. قالانى تولىعىمەن باقىلاۋعا الۋعا 3-4 كۇن كەرەك" دەدى شويگۋ.

پۋتين ماريۋپولدەگى "قارۋلى جۇمىستى" "ءساتتى" دەپ اتاپ، رەسەيلىك اسكەريلەرگە ناگرادا بەرۋدى تاپسىردى. رەسەي پرەزيدەنتى "ازوۆستالعا" شتۋرمدى "بوس ءىس" دەپ اتاپ، شويگۋعا كومبيناتقا شتۋرمدى دوعارۋدى بۇيىردى.

"بۇل جاعدايدا ءبىز سولداتتارىمىز بەن وفيسەرلەرىمىزدىڭ ءومىرىن ساقتاۋدى ويلاۋىمىز كەرەك. بۇل كاتاكومباعا جولاۋدىڭ قاجەتى جوق، ونەركاسىپ بازاسىنىڭ استىنا ءتۇسۋدىڭ دە كەرەگى شامالى. ونەركاسىپتىك ايماقتى شىبىن ۇشپايتىنداي جاۋىپ تاستاڭدار" دەدى پۋتين.

21 ساۋىردە ۋكراينا ۆيسە-پرەمەرى يرينا ۆەرەششۋك رەسەي اسكەريلەرىنەن "ازوۆستالدان" گۋمانيتارلىق ءدالىز اشۋدى تالاپ ەتتى.

"ءقازىر كومبيناتتا مىڭداي بەيبىت تۇرعىن مەن جارالانعان 500 اسكەري بار. ولاردى "ازوۆستالدان" بۇگىن شىعار كەرەك! الەم ليدەرلەرى مەن حالىقارالىق قاۋىمداستىقتى "ازوۆستالعا" كوڭىل بولۋگە شاقىرامىن" دەدى ول.

ماريۋپول قالاسى 1 ناۋرىزدان بەرى رەسەي اسكەرىنىڭ قورشاۋىندا قالعان. ۋكراينا بيلىگى قالاداعى 80-90 پايىز ينفراقۇرىلىم تولىق قيراعانىن، قالادا 20 مىڭنان اسا بەيبىت تۇرعىن قازا بولعانىن مالىمدەگەن.

بۇل قالانى نەگىزىنەن ۋكراينالىق "ازوۆ" باتالونى قورعاعان. رەسەي بيلىگى "ازوۆ" باتالونىن "ناسيوناليستەر" دەپ، ءماريۋپولدى "ناسيوناليستەردىڭ استاناسى" دەپ اتايدى. كييەۆ قالادا 10 مىڭنان اسا ادام قالعانىن، رەسەي كۇشتەرى ولاردى قالادان شىعارماي وتىرعانىن ايتقان.



[ad_2]

دەرەككوز
بۇل ماقالا تۋرالى نە ويلايسىز؟